സ്വര്ണം താഴേക്കില്ല... ഇന്നലെ കുറഞ്ഞതിന് ഇന്ന് കൂടി, ഒറ്റയടിക്ക് 3960 രൂപ
|ചരിത്രത്തിലെ ഏറ്റവുമുയര്ന്ന നിരക്കിലാണ് സ്വര്ണവില തുടരുന്നത്
കോഴിക്കോട്: ഇന്നലെ കുറഞ്ഞ സ്വര്ണവിലയില് ഇന്ന് വന് കുതിപ്പ്. പവന് ഒറ്റയടിക്ക് 3960 രൂപ വര്ധിച്ച് 1,17,120 രൂപയായി. 14,640 രൂപയാണ് ഇന്നത്തെ ഗ്രാം വില. ചരിത്രത്തിലെ ഏറ്റവുമുയര്ന്ന നിരക്കിലാണ് സ്വര്ണവില തുടരുന്നത്.
ആഗോള രാഷ്ട്രീയ സാഹചര്യങ്ങള് കാരണം മുന്ദിവസങ്ങളില് വന് കുതിപ്പാണ് സ്വര്ണവിലയിലുണ്ടായത്. നിക്ഷേപകര് ഓഹരികളില് നിന്ന് പിന്വാങ്ങി സുരക്ഷിത നിക്ഷേപമെന്ന നിലയില് സ്വര്ണത്തിലേക്ക് തിരിയുകയായിരുന്നു. എന്നാല്, ഗ്രീന്ലാന്ഡിനെ ആക്രമിക്കില്ലെന്നും യൂറോപ്യന് രാജ്യങ്ങള്ക്കുമേല് ചുമത്താനിരുന്ന അധിക തീരുവ പിന്വലിക്കുമെന്നുമുള്ള ട്രംപിന്റെ പ്രഖ്യാപനം ഇന്നലെ സ്വര്ണവില കുറയാന് കാരണമായി. തൊട്ടുപിന്നാലെയാണ് വീണ്ടും വന് കുതിപ്പ് നടത്തിയിരിക്കുന്നത്. ആഗോളവിപണിയില് സ്വര്ണം ഔണ്സിന് 118 ഡോളര് വര്ധിച്ച് 4952 ഡോളറിലെത്തി.
കേരളത്തില് ജനുവരി ഒന്നിന് 99,040 രൂപയായിരുന്നു പവന് വില. 23 ദിവസം കൊണ്ട് 18,080 രൂപയാണ് വര്ധിച്ചത്. ജനുവരി 16ന് 1,05,160 രൂപയായിരുന്ന വില ഒരാഴ്ച കൊണ്ട് 11,960 രൂപയാണ് വര്ധിച്ചത്.
ജനുവരിയിലെ സ്വര്ണവില ഇങ്ങനെ
ജനുവരി 1 - 99,040
ജനുവരി 2 - 99,880
ജനുവരി 3 - 99,600
ജനുവരി 4 - 99,600
ജനുവരി 5 - 1,01,360
ജനുവരി 6 - 1,01,800
ജനുവരി 7 - 1,01,400
ജനുവരി 8 - 1,01,200
ജനുവരി 9 - 1,02,160
ജനുവരി 10 - 1,03,000
ജനുവരി 11 - 1,03,000
ജനുവരി 12 - 1,04,240
ജനുവരി 13 - 1,04,520
ജനുവരി 14 - 1,05,600
ജനുവരി 15 - 1,05,320
ജനുവരി 16 - 1,05,160
ജനുവരി 17 - 1,05,440
ജനുവരി 18 - 1,05,440
ജനുവരി 19 - 1,07,240
ജനുവരി 20 - 1,09,840
ജനുവരി 21 - 1,14,840
ജനുവരി 22 - 1,13,160
ജനുവരി 23 - 1,17,120