കൊച്ചുണ്ണിക്ക് ശേഷം മിഖായേലുമായി നിവിന്‍ പോളി

ദി ഗ്രേറ്റ് ഫാദറിന്റെ ശേഷം ഹനീഫ് അദേനി സംവിധാനം ചെയ്യുന്നു മിഖായേലിന്റെ ചിത്രീകരണം കൊച്ചിയിൽ ആരംഭിച്ചു. നിവിൻ പോളി നായകനാകുന്ന ചിത്രത്തിന്റെ നിർമാണം ആന്റോ ജോസഫ് ഫിലിം കമ്പനിയുടെ ബാനറിൽ ആന്റോ ജോസഫാണ്. ദി ഗ്രേറ്റ് ഫാദർ, അബ്രഹാമിന്റെ സന്തതികൾ എന്നീ ചിത്രങ്ങൾക്ക് ശേഷം ഹനീഫ് അദേനി തിരക്കഥ ഒരുക്കുന്ന ചിത്രം കൂടിയാണ് മിഖായേൽ.

സിദ്ദിഖ്, കലാഭവന്‍ ഷാജോണ്‍, കെ പി എസി ലളിത, ശാന്തികൃഷ്ണ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. വിദേശത്തായിരിക്കും സിനിമയുടെ ഭൂരിഭാഗം ചിത്രീകരണമെന്നാണ് റിപ്പോര്‍ട്ടുകള്‍.