'ഞങ്ങളുടെ മകൾ ജീവിച്ചിരിക്കാൻ കാരണം ശ്രുതി ഹാസൻ'; വൈകാരിക കുറിപ്പുമായി കുടുംബം
|നിരവധി പേരാണ് നടിയെ അഭിനന്ദിച്ച് രംഗത്തെത്തിയത്
സിനിമകളിലൂടെ നമ്മെ സ്വാധീനിക്കുന്നവരാണ് താരങ്ങൾ. എന്നാൽ ജീവിതത്തിലും മറ്റുള്ളവർക്ക് വെളിച്ചം വീശുന്നവർ വളരെ കുറവാണ്. പലരും ചെയ്യുന്ന നല്ലകാര്യങ്ങൾ നമ്മൾ അറിയാതെയും പോകുന്നു. നടി ശ്രുതി ഹാസൻ കാരണമാണ് തങ്ങളുടെ മകൾ ജീവനോടെ ഇരിക്കുന്നതെന്ന ഒരു കുടുംബത്തിൻ്റെ വൈകാരിക കുറിപ്പുമാണ് ഇപ്പോൾ ശ്രദ്ധിക്കപ്പെട്ടത് . ഇൻസ്റ്റാഗ്രാമിലൂടെ പങ്കുവെച്ച കുറിപ്പിലാണ് ഇക്കാര്യം പറയുന്നത്.
അപൂർവ ജനിതക രോഗം ബാധിച്ച ആഴ്വി എന്ന പെൺകുഞ്ഞിന്റെ ചികിത്സയ്ക്കായി ശ്രുതി ഹാസൻ സഹായിച്ചിരുന്നു. കുട്ടി, ശ്രുതി ഹാസനെ നേരിട്ട് കാണുന്നതിന്റെ ഫോട്ടോകളും വീഡിയോകളും മാതാപിതാക്കൾ ഇൻസ്റ്റാഗ്രാമിൽ പോസ്റ്റ് ചെയ്തു. ശ്രുതി ഹാസൻ കുഞ്ഞിന്റെ അടുത്തിരുന്ന് അവളോടൊപ്പം കളിക്കുന്നതും, സംസാരിക്കുന്നതും, ചിരിപ്പിക്കുന്നതും വീഡിയോയിൽ കാണാം.
വർഷങ്ങളായി മനസ്സിൽ കൊണ്ടുനടന്ന വികാരങ്ങൾ കുറിപ്പിലൂടെ മാതാപിതാക്കൾ പങ്കുവെച്ചു.
"നിങ്ങളുടെ ഹീറോകളെ ഒരിക്കലും നേരിട്ട് കാണരുത് എന്ന് ആളുകൾ പറയാറുണ്ട്, എന്നാൽ അവർ തീർച്ചയായും ശ്രുതി ഹാസനെ കണ്ടിട്ടുണ്ടാകില്ല. ഒരുപാട് കാര്യങ്ങൾ അനുഭവപ്പെടുമെങ്കിലും വളരെ കുറച്ചുമാത്രം സംസാരിക്കുന്ന ഒരാളാണ് ഞാൻ, എന്നാൽ ഇന്ന് എന്റെ ഹൃദയം സന്തോഷം കൊണ്ട് നിറഞ്ഞിരിക്കുകയാണ്. ഈ കൂടിക്കാഴ്ച ജീവിതത്തിലെ ഒരു സുപ്രധാന നാഴികക്കല്ലാണ്," അവർ കുറിച്ചു.
ശ്രുതി ഹാസന്റെ പ്രശസ്തിയല്ല, മറിച്ച് അവരുടെ മനുഷ്യത്വമാണ് തങ്ങളെ സ്പർശിച്ചതെന്ന് അവർ വിശദീകരിച്ചു. തന്നെ ഏറ്റവും കൂടുതൽ സ്വാധീനിച്ചത് അവരുടെ സാന്നിധ്യം മാത്രമല്ലെന്നും അവിശ്വസനീയമായ ദയയുമാണെന്ന് കുറിപ്പിൽ പറയുന്നു. അവരുടെ സ്വകാര്യ ഇടത്തിലേക്ക് ക്ഷണിക്കപ്പെടുന്നത് ഒരു അപൂർവ സമ്മാനമാണ്. പക്ഷേ തങ്ങളെ സ്വീകരിച്ച രീതി ഒരു കുടുംബം പോലെയുള്ള തോന്നലുണ്ടാക്കി.”
“ആഴ്വിയുമായി അവർ മധുരമായും ക്ഷമയോടെയും ആത്മാർത്ഥമായും പെരുമാറിയ രീതി ഞാൻ എന്നും സൂക്ഷിക്കും. ശ്രുതി നൽകിയ വലിയ ബിസ്ക്കറ്റ് ബാഗും സംസാരവും കാരണം ആഴ്വിയുടെ മുഖം പ്രകാശിക്കുന്നത് കണ്ടപ്പോൾ ഞാൻ ഏറ്റവും സന്തോഷവതിയായി.”
ശ്രുതി ഹാസനെ "ഡൗൺ ടു എർത്ത്" എന്നതിന്റെ നിർവചനം എന്ന് വിളിച്ച ദമ്പതികൾ, ജീവിതത്തിലെ വെളിച്ചം മങ്ങിയതിനുശേഷവും തങ്ങൾക്കൊപ്പം നിന്നതിന് നന്ദി പറഞ്ഞു. 2023 ൽ ജനിച്ച കുട്ടിക്ക് രോഗപ്രതിരോധ ശേഷിയെ ദുർബലപ്പെടുത്തുന്ന അപൂർവ ജനിതക വൈകല്യമായ എംഎസ്എംഡി (മെൻഡലിയൻ സസെപ്റ്റിബിലിറ്റി ടു മൈക്കോബാക്ടീരിയൽ ഡിസീസസ്) ഉണ്ടെന്ന് കണ്ടെത്തി. 2025ൽ ഇത് മജ്ജ മാറ്റിവയ്ക്കലിലേക്ക് നയിച്ചു.
2025 ജൂലൈയിൽ പങ്കിട്ട ഒരു പോസ്റ്റിൽ, കുട്ടിയുടെ രക്ഷിക്കുന്നതിൽ ശ്രുതി ഹാസന്റെ പങ്കിനെക്കുറിച്ച് മാതാപിതാക്കൾ വിശദീകരിച്ചിരുന്നു. ദൈവത്തിന് സമീപിക്കാൻ കഴിയാത്തപ്പോൾ, അവൻ ഒരാളെ അയയ്ക്കുന്നു എന്നാണ് ശ്രുതി ഹാസനെ ഉദ്ദേശിച്ച് പോസ്റ്റിൽ പറയുന്നത്. അവർ തങ്ങളെ അവിശ്വസനീയമായ ഒരു ഡോക്ടർമാരുടെ സംഘത്തിലേക്ക് നയിച്ചു. അതിലൂടെ രാജ്യമെമ്പാടുമുള്ള മികച്ച സ്പെഷ്യലിസ്റ്റുകളിലേക്ക് എത്തിച്ചേർന്നുവെന്നും പോസ്റ്റിൽ പറഞ്ഞിരുന്നു.
ആഴ്വിയെ ഐസിയുവിലേക്ക് മാറ്റിയപ്പോൾ, ശ്രുതി ഹാസനും സംഘവും സഹായിച്ചു. വേഗത്തിൽ നീങ്ങാനും, മികച്ച പരിചരണം ലഭ്യമാക്കാനും അവരും സംഘവും എല്ലാം ശ്രദ്ധിച്ചു. തങ്ങൾക്ക് ശക്തി നൽകി, വൈകാരികമായും സാമ്പത്തികമായും പിന്തുണച്ചു. "അവർ കാരണം ... എന്റെ മകൾ ഇന്ന് ജീവിച്ചിരിപ്പുണ്ട്," പോസ്റ്റിൽ പറയുന്നു.