പേരിനോട് നീതി പുലർത്തി വിചിത്രം ട്രെയിലറെത്തി
|ഒക്ടോബര് 14ന് ചിത്രം തിയേറ്ററുകളിലെത്തും.
ഷൈന് ടോം ചാക്കോ നായകനാകുന്ന വിചിത്രം സിനിമയുടെ ട്രെയിലര് പുറത്ത്. പേരിനോട് നീതി പുലർത്തി ചിത്രത്തിന്റെ ട്രെയ്ലർ പുറത്തിറങ്ങിയിരിക്കുകയാണ്. പ്രമേയം കൊണ്ടും അവതരണം കൊണ്ടും വ്യത്യസ്തമായ ചിത്രമായിരിക്കും വിചിത്രമെന്നാണ് ട്രെയ്ലർ നല്കുന്ന സൂചന.
അച്ചു വിജയനാണ് ചിത്രം സംവിധാനം ചെയ്യുന്നത്. ജോയ് മൂവി പ്രൊഡക്ഷന്സിന്റെ ബാനറില് ഡോക്ടര് അജിത് ജോയും അച്ചു വിജയനും ചേര്ന്നാണ് ചിത്രം നിര്മിക്കുന്നത്. ലാല്, ബാലു വര്ഗീസ്, ജോളി ചിറയത്ത്, കനി കുസൃതി, കേതകി നാരായണ് തുടങ്ങി നിരവധി പേര് ചിത്രത്തിന്റെ ഭാഗമാകുന്നുണ്ട്. നിഖില് രവീന്ദ്രനാണ് ചിത്രത്തിന്റെ തിരക്കഥ എഴുതിയത്. അര്ജുന് ബാലകൃഷ്ണനാണ് ഛായാഗ്രഹണം. ജുബൈർ മുഹമ്മദ് സംഗീത സംവിധാനം നിർവഹിച്ചിരിക്കുന്നു. സംവിധായകന് അച്ചു വിജയന് തന്നെയാണ് ചിത്രം എഡിറ്റ് ചെയ്തത്.
ദീപക് പരമേശ്വരനാണ് പ്രൊഡക്ഷന് കണ്ട്രോളര്. സൂരജ് രാജ് കോ ഡയറക്ടറും ആര് അരവിന്ദന് ക്രിയേറ്റീവ് ഡയറക്ടറുമാണ്. സുരേഷ് പ്ലാച്ചിമട മേക്കപ്പും ദിവ്യ ജോബി കോസ്റ്റ്യൂമും കൈകാര്യം ചെയ്തിരിക്കുന്നു. ചീഫ് അസ്സോസിയേറ്റ് ഡയറക്ടര്- ഉമേഷ് രാധാകൃഷ്ണന്. സൗണ്ട് ഡിസൈന്- വിഷ്ണു ഗോവിന്ദ് ശ്രീ ശങ്കര്. സ്റ്റില്- രോഹിത് കെ സുരേഷ്. വിഎഫ്എക്സ് സൂപ്പര് വൈസര്- ബോബി രാജന്. പിആര്ഒ- ആതിര ദില്ജിത്ത്, ഡിസൈന്- അനസ് റഷാദ് ആന്ഡ് ശ്രീകുമാര് സുപ്രസന്നന്, ഡിജിറ്റല് മാര്ക്കറ്റിംഗ് അനൂപ് സുന്ദരന് എന്നിവരാണ് മറ്റ് അണിയറപ്രവര്ത്തകര്. ഒക്ടോബര് 14ന് ചിത്രം തിയേറ്ററുകളിലെത്തും.