റിയല്‍ കശ്മീരിനോട് സമനില വഴങ്ങി ഗോകുലം 

ഫുട്‌ബോള്‍ പ്രേമികള്‍ ഏറെ ആകാംക്ഷയോടെ കാത്തിരുന്ന ഗോകുലം കേരള എഫ്.സി-റിയല്‍ കശ്മീര്‍ മത്സരം സമനിലയില്‍ കലാശിച്ചു. ഇരു ടീമുകളും ഒരോ ഗോള്‍ വീതം നേടി. 20ാം മിനുറ്റില്‍ പ്രീതം സിങിലൂടെ ഗോകുലം ആണ് മുന്നിലെത്തിയത്. എന്നാല്‍ 69ാം മിനുറ്റില്‍ സുര്‍ചന്ദ്രസിങിന്റെ ഗോളില്‍ കശ്മീര്‍ സമനില പിടിച്ചു. വിജയഗോള്‍ നേടാന്‍ ഇരു ടീമുകള്‍ക്കും കഴിഞ്ഞില്ല. ഈ സമനിലയോടെ റിയൽ കശ്മീർ എട്ട് കളികളിൽ നിന്ന് 14 പോയിന്റുമായി രണ്ടാം സ്ഥാനത്തെത്തി. എട്ട് കളികളിൽ നിന്ന് പത്ത് പോയിന്റുള്ള ഗോകുലം ആറാമതാണ്