സമവായ നീക്കം തുടരുന്നു: ഗള്‍ഫ് പ്രതിസന്ധിക്ക് നാലാം ദിവസവും അയവില്ല

അറബ്​ രാജ്യങ്ങൾക്കു പുറമെ ജിബൂട്ടി ഉൾപ്പെടെ ആഫ്രിക്കൻ രാജ്യങ്ങളും സൗദി നിലപാടിനെ ശരിവെച്ച്​രംഗത്തു വന്നു.

ഗൾഫ്​ പ്രതിസന്​ധി നാലാം ദിവസമായ ഇന്നും അയവില്ലാതെ തുടരുന്നു. കുവൈത്ത്​ അമീറി​െൻറ നേതൃത്വത്തിലുള്ള സമവായ നീക്കം തുടരുന്നുണ്ടെങ്കിലും കാര്യമായ പുരോഗതിയൊന്നും പ്രകടമല്ല. ഇറാനെതിരായ ഗൾഫ്​ വികാരത്തോടൊപ്പം നിലയുറപ്പിക്കുക, മുസ്​ലിം ബ്രദർഹുഡ്​, ഹമാസ്​ സംഘടനകൾക്ക്​ നൽകുന്ന പിന്തുണ അവസാനിപ്പിക്കുക, ഗൾഫ്​ സുരക്ഷക്ക്​ പോറൽ ഏൽപ്പിക്കുന്ന നടപടികളിൽ നിന്ന്​ വിട്ടുനിൽക്കുക, തെറ്റായ മാധ്യമ പ്രചാരണത്തിന്​ വിലക്ക്​ ഏർപ്പെടുത്തുക തുടങ്ങിയ സുപ്രധാന ഉപാധികളാണ്​ പ്രശ്​നപരിഹാര ഭാഗമായി സൗദി മുന്നോട്ടു വെച്ചിരിക്കുന്നതെന്നാണ്​ റി​പ്പോര്‍ട്ട്.

ട്​.കൃത്യമായ ഉറപ്പും വ്യക്​തമായ രൂപരേഖയും ഇല്ലാതെ ബന്​ധം പുന:സ്​ഥാപിക്കാൻ സാധിക്കില്ലെന്ന്​ സൗദി വിദേശകാര്യ മന്ത്രി ആദിൽ ജുബൈർ, യു.എ.ഇ വിദേശകാര്യ സഹമന്ത്രി ഡോ. അൻവർ ഗർഗാശ്​ എന്നിവർ ഇന്നലെ വ്യക്​തമാക്കിയിരുന്നു. ഖത്തറിനെതിരെ കൂടുതൽ കടുത്ത നടപടി തള്ളിക്കളയാനാവില്ലെന്നും യു.എ.ഇ വ്യക്​തമാക്കിയിട്ടുണ്ട്​. ഖത്തർ എയർവേസ്​ ഒാഫീസ്​ അടച്ചുപൂട്ടിയതിനു പുറമെ ഖത്തർ വിസയുള്ള പ്രവാസികൾക്ക്​ യു.എ.ഇയിൽ വിസ ഒാൺ അറൈവൽ സംവിധാനം വിലക്കാനും തീരുമാനിച്ചു. ഖത്തറിനു മേൽ കൂടുതൽ സമ്മർദം ചെലുത്താൻ അറബ്​, മുസ്​ലിം രാജ്യങ്ങളുടെ പിന്തുണ ഉറപ്പാക്കുന്നതിലും സൗദി നേതൃത്വം വിജയിച്ചിട്ടുണ്ട്​. അറബ്​ രാജ്യങ്ങൾക്കു പുറമെ ജിബൂട്ടി ഉൾപ്പെടെ ആഫ്രിക്കൻ രാജ്യങ്ങളും സൗദി നിലപാടിനെ ശരിവെച്ച്​ രംഗത്തു വന്നു. എന്നാൽ ആരോപണങ്ങൾ അടിസ്​ഥാനരഹിതമാണെന്നും അതുകൊണ്ടു തന്നെ പ്രതികരിക്കാനില്ലെന്നും ആവർത്തിക്കുകയാണ്​ ഖത്തർ.