സ്കോട്ട്ലാൻറിലെ പ്രശസ്ത പൈതൃക ഹോട്ടൽ വാൽഡോഫ് ഇനി ലുലു ഗ്രൂപ്പിന്സ്കോട്ട്ലാൻറിലെ പ്രശസ്ത പൈതൃക ഹോട്ടൽ വാൽഡോഫ് ഇനി ലുലു ഗ്രൂപ്പിന്
|നൂറിലധികം വർഷം പാരമ്പര്യമുള്ള സ്കോട്ടിഷ് റയിൽവേ ഹോട്ടലാണ് വാൽഡോഫ്
സ്കോട്ട്ലാൻറിലെ പ്രശസ്ത പൈതൃക ഹോട്ടൽ സമുച്ചയം, വാൽഡോഫ് അസ്റ്റോറിയ - ദി കാലിഡോണിയൻ, ലുലു ഗ്രൂപ്പിന്റെ ഹോസ്പിറ്റാലിറ്റി സംരംഭമായ ട്വന്റി-ഫോര്ട്ടീന് ഹോൾഡിങ്സ് സ്വന്തമാക്കി. 12കോടി യു.എസ് ഡോളറാണ് ഇതിനായി ചെലവിട്ടത്. ഇതിന് പുറമെ 2.8കോടി ഡോളറിന്റെ സംരക്ഷണ പ്രവൃത്തികളും ഇവിടെ നടത്തും.
ഇതോടെ ട്വൻറിഫോർട്ടീൻ ഹോൾഡിങ്സിന് കീഴിലെ മൊത്തം ആഡംബര ഹോട്ടൽ, കെട്ടിട സമുച്ചയങ്ങളുടെ മതിപ്പ് വില ഏകദേശം 65 കോടി യു.എസ് ഡോളറിലധികമായി. ലോകത്തിന്റെ പലകോണുകളിലുള്ള പൈതൃക കെട്ടിട സമുച്ചയങ്ങൾ ചരിത്ര പ്രാധാന്യം ചോരാതെ ഏറ്റെടുത്ത് നടത്തുകയാണ് ട്വൻറിഫോർട്ടീൻ ഹോൾഡിങ്സിന്റെ രീതി.
നൂറിലധികം വർഷം പാരമ്പര്യമുള്ള സ്കോട്ടിഷ് റയിൽവേ ഹോട്ടലാണ് വാൽഡോഫ്. എഡിൻബർഗ് കാസിലിന്റെ മനോഹര കാഴ്ച്ച സമ്മാനിക്കുന്ന വാൽഡോഫിൽ ഇപ്പോഴുള്ളത് 241 മുറികളാണ്. ഓൾഡ് പ്രിൻസ് സ്ട്രീറ്റ് റയിൽവേ സ്റ്റേഷന്റെ ഭാഗമായി 1903 ൽ ആണ് ഹോട്ടൽ ആരംഭിക്കുന്നത്. പ്രാദേശികരും വിദേശികളുമായ ഒരുപാട് ആളുകളുടെയും സഞ്ചാരികളുടെയും ഇഷ്ടയിടം കൂടിയ ഈ സ്കോട്ടിഷ് ലാൻഡ്മാർക്ക് കെട്ടിടം സ്വന്തമാക്കാനായതിൽ ഏറെ അഭിമാനമുണ്ടെന്ന് ട്വൻറി ഫോർട്ടീൻഹോൾഡിങ്സ് മാനേജിംഗ് ഡയറക്ടർ അദീബ് അഹമ്മദ് പറഞ്ഞു.