മനുഷ്യക്കടത്ത്​; ഇരയെ അഭയ കേന്ദ്രത്തിൽ പാർപ്പിക്കാൻ ഉത്തരവ്​

മനുഷ്യക്കടത്ത്​ കേസിലെ ഇരയെ എൽ.എം.ആർ.എക്ക്​ കീഴിലുള്ള അഭയ കേ​ന്ദ്രത്തിൽ പാർപ്പിക്കാൻ ബഹ്‌റൈൻ പബ്ലിക്​ പ്രൊസിക്യൂഷൻ ഉത്തരവിട്ടു. ഇതുമായി ബന്ധപ്പെട്ട കേസ്​ ഈ മാസം 14ന്​ ഹൈ ക്രിമിനൽ കോടതിയിൽ പരിഗണനക്കെടുക്കുമെന്നും അറിയിച്ചു.

ഒരു കമ്പനിയിൽ ജോലി വാഗ്​ദാനം ചെയ്​ത്​ ബഹ്​റൈനിലെത്തിയ യുവതിയെ പ്രതി തന്‍റെ ഫ്ലാറ്റിൽ നിർബന്ധിപ്പിച്ച്​ താമസിപ്പിക്കുകയും ശാരീരിക ഉപ​ദ്രവമേൽപിക്കുയും ചെയ്യുകയായിരുന്നു. കൂടാതെ അനാശാസ്യത്തിനും ഇവരെ പ്രേരിപ്പിച്ചതായി പരാതിയുയർന്നു.

ഫ്ലാറ്റിൽ നിന്നും രക്ഷപ്പെട്ട യുവതി ​പൊലീസ്​ സ്​റ്റേഷനിലെത്തി പരാതി നൽകുകയായിരുന്നു. ഇതിനെ തുടർന്നാണ്​ പ്രതിയെ റിമാന്‍റ്​ ചെയ്​തത്​.