ബഹ്റൈനിൽ മയക്കുമരുന്ന്​ കടത്താൻ ​ശ്രമം: ഏഴ്​ പേർ പിടിയിൽ

ബഹ്റൈനിൽ അതിർത്തി വഴി ബഹ്​റൈനിലേക്ക്​ മയക്കുമരുന്ന്​ കടത്താൻ ശ്രമിച്ച ഏഴ​്​ പേർ പിടിയിലായതായി ക്രിമിനൽ ഇൻവെസ്​റ്റിഗേഷൻ ഡിപ്പാർട്ട്​മെൻറ്​ അറിയിച്ചു. 33 മുതൽ 38 വരെ പ്രായമുള്ള ഏഴ്​ ഏഷ്യൻ വംശജരാണ്​ പിടിയിലായത്​. 600 ​ഗ്രാം മയക്കുമരുന്ന്​ ഇവരിൽ നിന്നും കണ്ടെടുത്തു. എയർപോർട്ട്​ വഴി മയക്കുമരുന്ന്​ കടത്തുന്നുവെന്ന രഹസ്യ വിവരത്തി​െൻറ അടിസ്​ഥാനത്തിൽ നടത്തിയ ​പരിശോധനയിലാണ്​ പ്രതികളിൽ നിന്നും മയക്കുമരുന്ന്​ ഗുളികകൾ ​കണ്ടെടുത്തത്​. നിയമ നടപടികൾ പൂർത്തിയാക്കുന്നതിനായി പ്രതികളെ റിമാൻറ്​ ചെയ്യുകയും തൊണ്ടിമുതൽ കണ്ടുകെട്ടുകയും ചെയ്​തു.