ബഹ്റൈനില്‍ കായിക ദിനാചരണം സംഘടിപ്പിച്ചു

ബഹ്റൈനിൽ വിവിധ മന്ത്രാലയങ്ങളും സർക്കാർ അതോറിറ്റികളും കായിക ദിനാചരണം സംഘടിപ്പിച്ചു. പകുതി പ്രവൃത്തി സമയത്തിന്​ ശേഷമുള്ള സമയം വിവിധ തരം മത്സരങ്ങളും കായിക പരിപാടികളുമാണ്​ രാജ്യത്തു നടന്നത്.

ജനങ്ങൾക്കിടയിൽ ആരോഗ്യകരമായ ജീവിതത്തിന്‍റെയും വ്യായാമത്തിന്‍റെയും പ്രാധാന്യം ​ഊട്ടിയുറപ്പിക്കുന്നതിനാണ്​ ദിനാചരണം ലക്ഷ്യമിടുന്നത്​. വിവിധ സ്വകാര്യ കമ്പനികളും സ്​ഥാപനങ്ങളും കായിക ദിനാചരണം സംഘടിപ്പിച്ചിരുന്നു. കോവിഡ്​ നിയന്ത്രണങ്ങൾ പാലിച്ചായിരുന്നു പരിപാടികളെല്ലാം നടന്നത്.