കോവിഡ്​ ആരംഭിച്ചതിന്​ ശേഷം വിദ്യാഭ്യാസ പോർട്ടൽ ഉപയോഗപ്പെടുത്തിയത് 128 ദശലക്ഷം ​പേർ

കോവിഡ്​ പ്രതിസന്ധി ആരംഭിച്ചതിന്​ ശേഷം ബഹ്റൈനിൽ വിദ്യാഭ്യാസ പോർട്ടൽ 128 ദശലക്ഷം പേർ ഉപയോഗപ്പെടുത്തിയതായി വിദ്യാഭ്യാസ മ​ന്ത്രാലയത്തിലെ ഐ.ടി വിഭാഗം ഡയറക്​ടർ നാദിയ അൽ മർസി വ്യക്​തമാക്കി.

വിവിധ ഘട്ടങ്ങളിലുള്ള വിദ്യാർഥികൾക്ക്​ തുടർ വിദ്യാഭ്യാസം ഉറപ്പിക്കുന്നതിൽ വലിയ പങ്കാണ്​ പോർട്ടൽ വഹിച്ചത്​. സാ​​ങ്കേതിക വിദ്യയുടെ ഉപയോഗം കോവിഡ്​ കാലത്തും വിദ്യാഭ്യാസ പുരോഗതി സാധ്യമാക്കുന്നതിൽ ശ്രദ്ധേയ പങ്കുവഹിച്ചു.

415 പുസ്​തകങ്ങൾ,1144 എഡ്യൂക്കേഷൻ യൂണിറ്റുകൾ, 6758 മോഡൽ ക്ലാസുകൾ, 80,946 ക്ലാസുകൾ, 2,12,010 വർക്കുകൾ, 2,81,846 ആക്​റ്റിവിറ്റികൾ, 1,13,948 ചർച്ചകൾ, 21,746​ ഇൻസ്റ്റന്‍റ്​ ക്വിസുകൾ തുടങ്ങിയവ പോർട്ടലിൽ ഉൾപ്പെടുത്താൻ സാധിച്ചു. കൂടാതെ 16,969 സ്​റ്റഡി മെറ്റീരിയൽ യൂണിറ്റുകൾ ഇ-ലൈബ്രറിയിൽ ഉൾപ്പെടുത്തുകയും ചെയ്​തതായി അവർ കൂട്ടിച്ചേർത്തു.