വിദേശകാര്യ മന്ത്രി ബ്രിട്ടൺ അംബാസഡറുമായി കൂടിക്കാഴ്ച നടത്തി

വിദേശകാര്യ മന്ത്രി ഡോ. അബ്​ദുല്ലത്തീഫ്​ ബിൻ റാഷിദ്​ അൽ സയാനി ബഹ്​റൈനിലെ ​ബ്രിട്ടൺ അംബാസഡർ എലിസ്റ്റർ ലോഞ്ചിനെ തന്‍റെ ഓഫീസിൽ സ്വീകരിച്ചു.

ബഹ്​റൈനും ബ്രിട്ടനും തമ്മിലുള്ള ശക്​തമായ ബന്ധവും വിവിധ മേഖലകളിലെ സഹകരണവും കൂടുതൽ ശക്​തിപ്പെടേണ്ടതുണ്ടെന്ന്​ ഇരുപേരും അഭിപ്രായപ്പെട്ടു.

ഗസ്സയിൽ തുടരുന്ന അക്രമണങ്ങളും യുദ്ധം അവസാനിപ്പിക്കേണ്ടതിന്‍റെ ആവശ്യകതയും ചർച്ചയായി. യുദ്ധക്കെടുതി അനുഭവിക്കുന്ന ജനങ്ങൾക്ക്​ സഹായമെത്തിക്കുന്നതിനുള്ള വഴികളുണ്ടാകണമെന്നും മന്ത്രി ചൂണ്ടിക്കാട്ടി. കൂടിക്കാഴ്ചയിൽ മന്ത്രാലയത്തിലെ യൂറോപ്യൻ കാര്യവിഭാഗം തലവൻ അഹ്​മദ്​ ഇബ്രാഹിം അൽ ഖറൈനീസ്​ സന്നിഹിതനായിരുന്നു.