ട്രാഫിക്​ വാരാചരണത്തിന്‍റെ ഭാഗമായി ട്രാഫിക്​ വില്ലേജ്​ ആരംഭിച്ചു

ജി.സി.സി ട്രാഫിക്​ വാരാചരണത്തിന്‍റെ ഭാഗമായി ബഹ്റൈനിലെ അവന്യുസ്​ മാളിൽ ട്രാഫിക്​ വിഭാഗത്തിന്​ കീഴിൽ ബോധവൽക്കരണമുദ്ദേശിച്ച്​ ​അവന്യുസ്​ മാളിൽ ട്രാഫിക്​ വില്ലേജ്​ ആരംഭിച്ചു.

കാപിറ്റൽ ഗവർണർ ശൈഖ്​ റാശിദ്​ ബിൻ അബ്​ദുറഹ്​മാൻ അൽ ഖലീഫ ഉദ്​ഘാടനം നിർവഹിച്ചു. ട്രാഫിക്​ വിഭാഗം മേധാവി ബ്രിഗേഡിയർ ശൈഖ്​ അബ്​ദുറഹ്​മാൻ ബിൻ അബ്​ദുൽ വഹാബ്​ അൽ ഖലീഫയുടെ സാന്നിധ്യത്തിലായിരുന്നു ഉദ്​ഘാടന ചടങ്ങ്​.

'ജീവൻ നിങ്ങളുടെ ഉത്തരവാദിത്വം'എന്ന ​പ്രമേയത്തിലാണ്​ സമൂഹത്തിലെ മുഴുവനാളുകൾക്കും റോഡ്​ സുരക്ഷയെ കുറിച്ച്​ അവബോധമുദ്ദേശിച്ച്​ ജി.സി.സി തലത്തിൽ എല്ലാ വർഷവും ഇത്​ നടത്തിവരുന്നത്​.