ബഹ്‌റൈന്‍ വാട്ടർ ഗാർഡൻ സിറ്റിയിൽ വെക്​സ്​ ആഘോഷങ്ങൾക്ക്​ തുടക്കമായി

മനാമ: ബഹ്‌റൈന്‍ വാട്ടർ ഗാർഡൻ സിറ്റിയിൽ ആരംഭിച്ച വെക്​സ്​ ആഘോഷ പരിപാടി ഉപ ഗവർണർ ഹസൻ അബ്​ദുല്ല അൽ മദനി ഉദ്​ഘാടനം ചെയ്​തു.

വെക്​സ്​ റോബോട്ടിക്​ മൽസരത്തേടനുബന്ധിച്ചാണ്​ ആഘോഷ പരിപാടികൾ ഒരുക്കിയിട്ടുള്ളത്​. റോബോട്ടുകളുടെ പ്രദർശനം കൂടാതെ വിവിധ റെസ്​റ്റോറൻറുകളുടെ ഭക്ഷണ കൗണ്ടറുകളും പ്രൊഡക്​റ്റീവ്​ ഫാമിലി വിപണന കേന്ദ്രങ്ങളും യൂത്ത്​ സംരംഭകരുടെ സ്​റ്റാളുകളും ഒരുക്കിയിട്ടുണ്ട്​.

കൂടാതെ വിവിധ ഉല്ലാസങ്ങളും മൽസരങ്ങളും വ്യത്യസ്​ത പ്രായത്തിലുള്ളവരെ കൂടി ആകർഷിക്കുന്ന തരത്തിലുള്ള പരിപാടികളും മൽസരങ്ങളും ഇവിടെ നടക്കും​. റോബോട്ടിക്​ സാ​ങ്കേതിക വിദ്യയും ഉല്ലാസവും ഒരേ സ്​ഥലത്ത്​ സാധ്യമാക്കുകയെന്ന പദ്ധതിയാണ്​ ഇതിലൂടെ നടപ്പാക്കപ്പെടുന്നതെന്നും ബന്ധപ്പെട്ടവർ അറിയിച്ചു.