അനാശാസ്യം, കള്ളപ്പണം വെളുപ്പിക്കൽ: ബഹ്‌റൈനില്‍ സ്​ത്രീക്ക്​ അഞ്ച്​ വർഷം തടവ്

അനാശാസ്യം, കള്ള​പ്പണം വെളുപ്പിക്കൽ എന്നീ കേസുകളിൽ പെട്ട സ്​ത്രീക്ക്​ അഞ്ച്​ വർഷം തടവിന് ബഹ്റൈനിലെ നാലാം ക്രിമിനൽ കോടതി വിധിച്ചു. 1000 ദിനാർ പിഴയും ശിക്ഷാ കാലാവധിക്ക്​ ശേഷം തിരിച്ചു വരാനാവാത്ത വിധം പ്രതിയുടെ നാട്ടിലേക്ക്​ തിരിച്ചയക്കുന്നതിനും വിധിയുണ്ട്​.

അനാശാസ്യത്തിലൂടെ സമ്പാദിച്ച പണം അനധികൃത മാർഗത്തിലൂടെ സ്വന്തം നാട്ടിലേക്ക്​ എത്തിക്കാൻ ശ്രമിക്കുകയും ചെയ്​ത പ്രതി വിദേശ വനിതയാണ്​. രഹസ്യ വിവരത്തിന്‍റെ അടിസ്​ഥാനത്തിൽ നടത്തിയ അന്വേഷണത്തിലാണ്​ പ്രതി പിടിയിലായത്​. ചോദ്യം​ ചെയ്യലിൽ പ്രതി കുറ്റം സമ്മതിക്കുകയും അതിന്‍റെ അടിസ്​ഥാനത്തിൽ കോടതി ശിക്ഷ വിധിക്കുകയുമായിരുന്നു.