ബഹ്‌റൈനില്‍ മാപ്പിള കലകളുടെ സംഗമവേദിയായി യൂത്ത്​ ഇന്ത്യ മലബാർ ഫെസ്റ്റ്​

മലബാർ സ്വാതന്ത്ര്യ പോരട്ടത്തിന്‍റെ നൂറാം വാർഷികത്തോടനുബന്ധിച്ച്​ ബഹ്‌റൈനില്‍ യൂത്ത്​ ഇന്ത്യ സംഘടിപ്പിച്ച മലബാർ ഫെസ്റ്റ്​ മാപ്പിള കലകളുടെ സംഗമ വേദിയായി.

ദാറുൽ ഈമാൻ കേരള വിഭാഗം മദ്രസ വിദ്യാർഥികൾ അവതരിപ്പിച്ച ഒപ്പന, ഹൂറ സമസ്​ത മദ്രസ വിദ്യാർഥികൾ അവതരിപ്പിച്ച ദഫ്​ മുട്ട്​, ഗഫൂർ പുത്തലത്തിന്റെ നേതൃത്വത്തിലുള്ള മർഹബ കോൽക്കളി ടീം അവതരിപ്പിച്ച കോൽക്കളി, മൂസ കെ. ഹസൻ അവതരിപ്പിച്ച മോണോലോഗ്​ എന്നിവ കാണികളുടെ മനം കവരുന്നതും മലബാർ സമരത്തിന്‍റെ ത്യാഗോ​ജ്ജ്വല സ്​മരണകൾ പ്രതിഫലിപ്പിക്കുന്നതുമായിരുന്നു.

അബ്​ദുൽ ഹഖ്​, പി.പി ജാസിർ, ഗഫൂർ മൂക്കുതല, തഹിയ്യ ഫാറൂഖ് , സിദീഖ് കരിപ്പൂർ ,ഫസലുറഹ്മാൻ പൊന്നാനി , യൂനുസ് സലീം എന്നിവർ ഗാനങ്ങളാലപിച്ചു.