റിപ്പബ്ലിക് ദിനാഘോഷ പരിപാടികളുമായി കുവൈത്തിലെ ഇന്ത്യൻ എംബസി

ഇന്ത്യയുടെ 74 ആം റിപ്പബ്ലിക് ദിനം കുവൈത്തിലെ ഇന്ത്യൻ എംബസി വിപുലമായി ആഘോഷിക്കുന്നു. നാളെ രാവിലെ ഒമ്പതു മുതൽ 10 മണി വരെയാണ് പരിപാടികൾ. അംബാസഡർ ഡോ. ആദർശ് സ്വൈക ദേശീയ പതാക ഉയർത്തും. തുടർന്ന് രാഷ്ട്രപതിയുടെ റിപ്പബ്ലിക്ദിന സന്ദേശം വായിക്കും.

പരിപാടിയില്‍ പങ്കെടുക്കുവാന്‍ ആഗ്രഹിക്കുന്നവര്‍ എംബസി വെബ്‌ സൈറ്റിൽ നൽകിയ ലിങ്ക് വഴി രജിസ്റ്റർ ചെയ്യണമെന്ന് എംബസി അധികൃതര്‍ വാര്‍ത്താകുറിപ്പില്‍ അറിയിച്ചു. റിപ്പബ്ലിക് ദിനം പ്രമാണിച്ച് ഇന്ത്യൻ എംബസിയും പാസ്‌പോർട്ട്, വിസ ഔട്ട്‌സോഴ്‌സിംഗ് സെന്ററായ ബി.എല്‍.എസ് ഇന്റർനാഷണലും നാളെ അവധിയായിരുക്കുമെന്ന് എംബസി അധികൃതര്‍ അറിയിച്ചു.