ഇവിടെ വേണ്ട!; പുകവലി, വളർത്തുമൃഗങ്ങൾ, ബൈക്കുകൾ എന്നിവക്ക് മുബാറകിയ മാർക്കറ്റിൽ വിലക്ക്

കുവൈത്ത് സിറ്റി: കുവൈത്തിലെ ഏറ്റവും പഴക്കമേറിയതും തിരക്കേറിയതുമായ മുബാറകിയ മാർക്കറ്റിൽ പുതിയ ഉത്തരവുമായി കുവൈത്ത് മുനിസിപ്പാലിറ്റി. പുകവലി, വളർത്തുമൃ​ഗങ്ങൾ, ബൈക്കുകൾ എന്നിവക്ക് വിലക്കേർപ്പെടുത്തിയാണ് ഉത്തരവ്.

തിരക്ക് നിയന്ത്രണവിധേയമാക്കുന്നതിനും സുരക്ഷ, ശുചിത്വം എന്നിവ ഉറപ്പാക്കുന്നതിനുമാണ് തീരുമാനം.മുനിസിപ്പാലിറ്റി മാർക്കറ്റിലുടനീളം മുന്നറിയിപ്പ് ബോർഡുകൾ സ്ഥാപിച്ചിട്ടുണ്ട്.

തറയിൽ ഇരിക്കുക, നിയുക്ത സ്ഥലങ്ങളിൽ നിന്ന് ഇരിപ്പിടങ്ങൾ മാറ്റുക തുടങ്ങിയവക്കും വിലക്കുണ്ട്. വിൽപനക്കാർക്കും സന്ദർശകർക്കും സുഖകരമായ അന്തരീക്ഷം സ‍ൃഷ്ടിക്കുന്നതിനാണ് നടപടി.