ഒമാനിൽ വാഹനാപകടം; കൊല്ലം സ്വദേശി മരിച്ചു

മസ്കത്ത്: ഒമാനിൽ വാഹനാപകടത്തിൽ കൊല്ലം സ്വദേശി മരിച്ചു. കൊട്ടാരക്കര സ്വദേശി പടിഞ്ഞാറ്റിൻകര കലാഭവനിൽ ആർ.ശിവദാസന്റെ മകൻ കിരൺ (33) ആണ്​ സമാഈലിലുണ്ടായ വാഹനാപകടത്തിൽ മരിച്ചത്​. സൂറിൽ സ്വകാര്യ സ്​ഥാപനത്തിൽ ജീവനക്കാരനായിരുന്നു കിരൺ.

ജോലി ആവശ്യാർഥം സഹമിലേക്ക്​ കുടുംബ സമേതം പോകുമ്പോഴാണ്​ അപകടം നടന്നത്​. ഭാര്യക്കും മൂത്തകുട്ടിക്കും അപകടത്തിൽ പരിക്കേറ്റു. ഇരുവരും നിസ്​വ ആശുപത്രിയിൽ ചികിൽസയിലാണ്​. ഇളയ കുട്ടി പരിക്കൊന്നുമില്ലാതെ രക്ഷപ്പെട്ടു.