സലാലയിൽ ഇന്നുമുതൽ ശക്തമായ മഴക്ക് സാധ്യത

ഒമാൻ്റെ തെക്കൻ ഗവർണറേറ്റുകളിൽ ഇന്നു മുതൽ നാളെ രാവിലെ വരെ ശക്തമായ മഴക്ക്​ സാധ്യതയുണ്ടെന്ന് ഒമാൻ കാലാവസ്ഥ വകുപ്പ് അറിയിച്ചു. ആലിപ്പഴ വർഷവും പ്രതീക്ഷിക്കാം.

ശക്തമായ കാറ്റിനും ഇടിക്കും സാധ്യതയുണ്ട്. ദോഫാർ, അൽ വുസ്ത, തെക്കൻ ഷർഖിയ ഗവർണറേറ്റുകളിലാണ് മഴയുണ്ടാവുക. 20 മുതൽ 100 മില്ലിമീറ്റർ വരെ മഴ ലഭി​ച്ചേക്കും. വാദികൾ നിറഞ്ഞൊഴുകാൻ സാധ്യതയുള്ളതിനാൽ വാദി മുറിച്ച്​ കടക്കരുതെന്നും താഴ്ന്ന സ്ഥലങ്ങൾ സന്ദർശിക്കുന്നതും കടലിൽ പോകുന്നതും ഒഴിവാക്കണമെന്നും സിവിൽ ഏവിയേഷൻ അതോറിറ്റിയുടെ അറിയിപ്പിൽ പറയുന്നു.