നിയമലംഘനം: സലാലയിൽ ഏഴ് ബാർബർ ഷോപ്പുകൾ പൂട്ടിച്ചു

സലാല: സലാല വിലായത്തിലെ ഏഴ് ബാർബർ ഷോപ്പുകൾ ദോഫാർ മുനിസിപ്പാലിറ്റി അടച്ചുപൂട്ടുകയും 11 നിയമലംഘനങ്ങൾ പുറപ്പെടുവിക്കുകയും ചെയ്തു. മുനിസിപ്പാലിറ്റിയുടെ ആരോഗ്യ നിയന്ത്രണ വിഭാഗമാണ് നടപടി സ്വീകരിച്ചത്. ആരോഗ്യ സുരക്ഷാ ചട്ടങ്ങൾ പാലിക്കുന്നുണ്ടോയെന്ന് വിലയിരുത്താൻ ഇൻസ്‌പെക്ടർമാർ പ്രദേശത്തെ വിവിധ ബാർബർ ഷോപ്പുകൾ സന്ദർശിച്ചതിനെ തുടർന്നാണ് നടപടി. സമൂഹത്തിന്റെ ക്ഷേമം ഉറപ്പാക്കുന്നതിനുള്ള ആരോഗ്യ നിയന്ത്രണ വിഭാഗത്തിന്റെ തുടർ ശ്രമങ്ങളുടെ ഭാഗമായാണ് പരിശോധന നടത്തിയതെന്ന് മുനിസിപ്പാലിറ്റിയുടെ പ്രസ്താവനയിൽ പറഞ്ഞു.

അതേസമയം, ഭക്ഷ്യ പ്രവർത്തനങ്ങൾ പരിശോധിക്കുന്നതിനും പ്രതിരോധ ആരോഗ്യ നടപടികൾ നടപ്പാക്കുന്നതിനുമുള്ള പ്രവർത്തനങ്ങൾ നിലവിൽ നടന്നുവരികയാണ്.