യുഎൻ സെക്രട്ടറി ജനറലിന് രാജ്യത്തെ പരമോന്നത ബഹുമതി നൽകി ഒമാൻ സുൽത്താൻ

മസ്കത്ത്: യുഎൻ സെക്രട്ടറി ജനറൽ അന്റോണിയോ ​ഗുട്ടറസിന് രാജ്യത്തെ പരമോന്നത പദവി പ്രഖ്യാപിച്ച് ഒമാൻ സുൽത്താൻ. മേഖലയിലെ സമാധാന ശ്രമങ്ങൾക്കും, വിവിധ അന്താരാഷ്ട്ര വിഷയങ്ങളിൽ നടത്തിയ ഇടപെടലുകളും പരി​ഗണിച്ചാണ് പ്രഖ്യാപനമുണ്ടായിരിക്കുന്നത്. ബഹുമതി സന്തോഷത്തോടെ സ്വീകരിക്കുന്നതായി ​ഗുട്ടറെസ് അറിയിച്ചു. അതോടൊപ്പം മേഖലയിൽ സമാധാനം, ഐക്യം നിലനിർത്തുന്നതിന് ഒമാൻ വഹിക്കുന്ന സജീവമായ പങ്കിനെയും അദ്ദേഹം അഭിനന്ദിച്ചു.