കോവിഡ്​​ ചികിത്സയിലായിരുന്ന തൃശൂർ സ്വദേശി ഖത്തറിൽ മരിച്ചു

ദോഹ: കോവിഡ്​ ബാധിതനായി ചികിത്സയിലായിരുന്ന തൃശൂർ അഷ്ടമിച്ചിറ മാരേക്കാട്​ സ്വദേശി ഖത്തറിൽ നിര്യാതനായി. കുരിയപ്പറമ്പിൽ അബ്​ദുവിന്‍റെ മകൻ ഷിഹാബുദ്ദീനാണ്​ (49) ഹമദ്​ മെഡിക്കൽ കോർപറേഷനിൽ മരണപ്പെട്ടത്​. കോവിഡിനെ തുടർന്ന്​ ഒരുമാസത്തിലേറെയായി ചികിത്സയിലിരിക്കെ, ന്യൂമോണിയ ബാധിച്ച്​ ഗുരുതരാവസ്ഥയിലാവുകയായിരുന്നു. കോൺട്രാക്ടിങ്​ മേലഖയിൽ ജോലി ചെയ്ത്​ വരികെയാണ്​ രോഗബാധിതനാവുന്നത്​. നടപടിക്രമങ്ങൾ പൂർത്തിയാക്കിയ മൃതദേഹം തിങ്കളാഴ്ച രാത്രിയോടെ നാട്ടിലേക്ക്​ കൊണ്ടുപോവുമെന്ന്​ സുഹൃത്തുക്കൾ അറിയിച്ചു. ഖൈറുന്നീസയാണ്​ ഭാര്യ. ആദിൽ ഷാ, അഹമദ്​ ഷാ, അമൻ ഷാ എന്നിവർ മക്കളാണ്​. സഹോദരൻ ഷമീർ ഖത്തറിലുണ്ട്​. കൊച്ചിയിലെത്തിക്കുന്ന മൃതദേഹം മാരേക്കാട് മഹല്ല് ഖബർസ്ഥാനിൽ ഖബറടക്കും.