തണുപ്പേറുന്നു; ഹാഇൽ മേഖലയിലെ സ്കൂൾ സമയത്തിൽ ‌മാറ്റം പ്രഖ്യാപിച്ചു ‌

റിയാദ്: സൗദിയിലെ ഹാഇൽ മേഖലയിൽ അതിതീവ്ര തണുപ്പ് തുടരുന്ന സാഹചര്യത്തിൽ മേഖലയിലെ എല്ലാ സ്കൂളുകളുടെയും പ്രവർത്തന സമയത്തിൽ മാറ്റം പ്രഖ്യാപിച്ച് ഹാഇൽ ജനറൽ ഡയറക്ടറേറ്റ് ഓഫ് എഡ്യുക്കേഷൻ. വിദ്യാർഥികളുടെ സുരക്ഷ ഉറപ്പാക്കുന്നതിനായി മേഖലാ ​ഗവർണർ പ്രിൻസ് അബ്ദുൽ അസീസ് ബിൻ സഅദ് ബിൻ അബ്ദുൾ അസീസിന്റെ നിർദേശപ്രകാരമാണിത്.

ജനുവരി 4 മുതൽ 8 വരെയുള്ള ദിവസങ്ങളിലാണ് മാറ്റം പ്രഖ്യാപിച്ചത്. പുതിയ അറിയിപ്പ് പ്രകാരം ക്ലാസുകൾ രാവിലെ 9 മണിക്കും പരീക്ഷകൾ 10 നും ആരംഭിക്കും. കാലാവസ്ഥാ സാഹചര്യങ്ങൾ പരിഗണിച്ചുള്ള മുൻകരുതൽ നടപടികളുടെ ഭാഗമായാണ് ഈ തീരുമാനമെന്ന് ഡയറക്ടറേറ്റ് സ്ഥിരീകരിച്ചു.