സൗദിയിൽ മഴ തുടരുന്നു;വിവിധയിടങ്ങളിൽ ഇന്ന് ശക്തമായ പൊടിക്കാറ്റിനും പ്രളയത്തിനും സാധ്യത

റിയാദ്: സൗദിയിൽ ഇന്ന് ഇടിമിന്നലോടുകൂടിയ മഴക്ക് സാധ്യത. വിവിധയിടങ്ങളിൽ ഇന്ന് ശക്തമായ പൊടിക്കാറ്റിനും പ്രളയവും ഉണ്ടാകാനിടയുണ്ടെന്നും കാലാവസ്ഥാ കേന്ദ്രം മുന്നറിയിപ്പ് നൽകി. റിയാദ്, ഖസീം, ഹാഇൽ, മക്ക, മദീന, അൽ ബാഹ, അസീർ, ജിസാൻ എന്നിവയുടെ വിവിധ ഭാ​ഗങ്ങളിൽ ശക്തമായ മഴ തുടരും. നോർത്തേൺ ബോർഡേഴ്സ്, അൽ-ജൗഫ്, തബൂക്ക് എന്നിവിടങ്ങളി‍ൽ നേരിയ മഴക്കും സാധ്യതയുണ്ട്.

വടക്കൻ പ്രദേശങ്ങളിൽ 15-38 കി.മീ വേഗതയിലും തെക്കൻ പ്രദേശങ്ങളിൽ തെക്കുപടിഞ്ഞാറ് മുതൽ വടക്കുപടിഞ്ഞാറൻ ദിശയിലേക്ക് മണിക്കൂറിൽ 15-50 കി.മീ വേഗതയിൽ കാറ്റ് വീശാനും സാധ്യതയുണ്ട്. തിരമാലകൾ അര മീറ്റർ മുതൽ രണ്ട് മീറ്ററിലധികം വരെ ഉയരാനും കടൽ പ്രക്ഷുബ്ധമാകാനും സാധ്യതയുണ്ട്.