സൗദിയിൽ വിവിധയിടങ്ങളിൽ ഇന്ന് ഇടിമിന്നലോട് കൂടിയ മഴക്ക് സാധ്യത

റിയാദ്: സൗദിയിൽ ഇന്ന് വിവിധയിടങ്ങളിൽ ഇടിമിന്നലോടു കൂടിയ മഴക്ക് സാധ്യതയുണ്ടെന്ന് ദേശീയ കാലാവസ്ഥ കേന്ദ്രം അറിയിച്ചു. വിവിധ പ്രദേശങ്ങളിൽ പൊടിക്കാറ്റും ആലിപ്പഴവീഴ്ചയുമുണ്ടാകും. മദീന, ഖസ്സീം, ഹാഇൽ, തബൂക്ക്, അൽ ജൗഫ്, വടക്കൻ അതിർത്തി, കിഴക്കൻ പ്രവിശ്യ, റിയാദിൻ്റെ വടക്ക് ഭാ​ഗങ്ങൾ എന്നീ പ്രദേശങ്ങളിൽ മഴ ലഭിക്കും. കനത്ത മഴക്ക് സാധ്യതയുള്ള കിഴക്കന്‍ സൗദിയില്‍ റെഡ് അലേര്‍ട്ട് പ്രഖ്യാപിച്ചു. മക്കയിലും അൽ ബഹയിലും രാത്രിയിലും രാവിലെയും മൂടൽമഞ്ഞുണ്ടാവാനും സാധ്യതയുണ്ട്.