റിയാദ് അൽ യാസ്മിൻ ഇന്റർനാഷണൽ സ്‌കൂളിനും മികച്ച വിജയം

റിയാദ്: സി.ബി.എസ്.ഇ 10, 12 ക്ലാസ്സുകളുടെ പരീക്ഷയിൽ റിയാദ് അൽ യാസ്മിൻ ഇന്റർനാഷണൽ സ്‌കൂൾ മികച്ച വിജയം. 12-ാം ക്ലാസ് സയൻസ് വിഭാഗത്തിൽ കൃഷ്‌ണേന്തു ഹാഷിർ 95.2 ശതമാനത്തോടു കൂടി ഒന്നാം റാങ്ക് കരസ്ഥമാക്കി. എസ്. എസ് സഫ (94.8%), ആമിന മനാൽ ഷമീം (94%), തുടങ്ങിയവർ യഥാക്രമം രണ്ട്, മൂന്ന് സ്ഥാനങ്ങളും നേടി.

കൊമേഴ്സ് വിഭാഗത്തിൽ മുഹമ്മദ് റയ്യാനാണ് 94 ശതമാനത്തോടെ ഒന്നാം റാങ്കിന് അർഹനായത്. ഖുഷ്‌നൂർ ഷാഹ് (93%), മുഹമ്മദ് ഫൗസാൻ (85.6) തുടങ്ങിയവർ യഥാക്രമം രണ്ട്, മൂന്ന് സ്ഥാനങ്ങളും നേടി. കൂടാതെ സയൻസിലും കൊമേഴ്‌സിലുമായി എട്ട് കുട്ടികൾ 90 ശതമാനത്തിനു മുകളിൽ മാർക്ക് കരസ്ഥമാക്കി.

10-ാം ക്ലാസ്സിലെ കുട്ടികളും മികച്ച പ്രകടനത്തിലൂടെ നൂറു ശതമാനം വിജയം കരസ്ഥമാക്കി. റുഷ്ദ ഷബീർ 95.8 ശതമാനം മാർക്കോടെ ഒന്നാം റാങ്ക് കരസ്ഥമാക്കി. മുഹമ്മദ് ഹാഷിഫ് (94.2%), ലമ്യ ബസ്മി അൻവർ (93.6%) എന്നിവർ യഥാക്രമം രണ്ട്, മൂന്ന് സ്ഥാനങ്ങളും നേടി. 17 കുട്ടികൾ 90 ശതമാനത്തിനു മുകളിലും മാർക്ക് നേടി. അൽ യാസ്മിൻ ഇന്റർനാഷണൽ സ്‌കൂൾ മാനേജ്മന്റ്, കോംപ്ലക്‌സ് മാനേജർ അബ്ദുൽ ഇലാഹ് അൽ മൊയ്ന, പ്രിൻസിപ്പൽ, സ്റ്റാഫ് എന്നിവർ കുട്ടികളെ അനുമോദിച്ചു.