സുഡാനിലെ യുഎൻ ക്യാമ്പിന് നേരെയുള്ള ആക്രമണത്തെ ശക്തമായി അപലപിച്ച് സൗദി

റിയാദ്: സുഡാനിലെ തെക്കൻ കോർദൊഫാനിലെ കഡുഗ്ലിയിൽ യുഎൻ ക്യാമ്പിന് നേരെയുള്ള ആക്രമണത്തെ ശക്തമായി അപലപിച്ച് സൗദി. സിവിലിയന്മാരുടെ സംരക്ഷണം ഉറപ്പാക്കണമെന്ന് വിദേശകാര്യ മന്ത്രാലയം സൂചിപ്പിച്ചു. ക്യാമ്പ് ലക്ഷ്യമിട്ട് നടന്ന ഡ്രോൺ ആക്രമണത്തിൽ യു.എൻ.ഐ.എസ്.എഫ്.എയുടെ ആറ് സമാധാന സേനാം​ഗങ്ങളാണ് കൊല്ലപ്പെട്ടത്. ഇരകളെല്ലാം ബംഗ്ലാദേശി പൗരന്മാരാണെന്നും ആക്രമണത്തിൽ മറ്റ് ആറ് സേനാംഗങ്ങൾക്ക് പരിക്കേറ്റതായും യു.എൻ.ഐ.എസ്.എഫ്.എ വ്യക്തമാക്കി.