ദുബൈയിൽ അടിയന്തര സാഹചര്യം നേരിടാൻ വനിതാ പൊലീസിന്റെ പ്രത്യേകസംഘം
|21 വനിതാ ഓഫീസർമാരാണ് പരിശീലനം പൂർത്തിയാക്കി പുറത്തിറങ്ങിയത്.
ദുബൈയിൽ അടിയന്തര സാഹചര്യങ്ങൾ നേരിടാൻ രംഗത്തിറങ്ങുന്ന പ്രത്യേക വനിതാ പൊലീസ് ഓഫീസർമാരുടെ പുതിയ ബാച്ച് പുറത്തിങ്ങി. ഫസ്റ്റ് റെസ്പോൻഡർ ഫോഴ്സ് എന്ന് പേരിട്ട സംഘത്തിലെ 21 വനിതാ ഓഫീസർമാരാണ് പരിശീലനം പൂർത്തിയാക്കി പുറത്തിറങ്ങിയത്.
പൊതുജനങ്ങളുടെ സുരക്ഷയെ ബാധിക്കുന്ന ആപൽഘട്ടങ്ങളിലാണ് ദുബൈ പൊലീസിന്റെ പ്രത്യേക വനിതാ ഓഫീസർമാരുടെ സംഘമായ ഫസ്റ്റ് റെസ്പോൻഡർ ഫോഴ്സ് രംഗത്തിറങ്ങുക.
അൽ റുവ്വയയിൽ നടന്ന ബിരുദദാന ചടങ്ങിൽ ദുബൈ പൊലീസ് കമാൻഡർ ഇൻ ചീഫ് ലഫ്റ്റനന്റ് ജനറൽ അബ്ദുല്ല ഖലീഫ അൽ മരി അടക്കമുള്ള ഉന്നത ഓഫിസർമാർക്ക് മുന്നിൽ ഇവർ പ്രകടനങ്ങൾ പുറത്തെടുത്തു.
വിവിധ വിഷയങ്ങളിലെ തിയറി, പ്രായോഗിക പഠനങ്ങൾക്ക് പുറമെ അത്യാധുനിക സൈനിക പരിശീലനവും പൂർത്തിയാക്കിയാണ് 21 വനിതാ ഓഫീസർമാരും രംഗത്തിറങ്ങുന്നത്. ഫസ്റ്റ് റെസ്പോൻഡന്റ് ഫോഴ്സിന്റെ മൂന്നാമത്തെ ബാച്ചാണിത്.
ഷാർപ്പ് ഷൂട്ടിങ്, റെയ്ഡ് ഓപറേഷൻ, സംശയാസ്പദമായ വ്യക്തികളെ കൈകാര്യം ചെയ്യൽ, പ്രോഷണൽ മിലിട്ടിറി ഡ്രില്ല് എന്നിവക്ക് ഈ വനിതാ പൊലീസ് ഓഫിസർമാർ ഇനി രംഗത്തുണ്ടാകും.