പടക്കമാണ് സൂക്ഷിക്കണം; ദുബൈയിൽ ലൈസൻസില്ലാതെ പടക്കങ്ങൾ വിൽക്കുന്നതും ഉപയോ​ഗിക്കുന്നതും നിയമവിരുദ്ധം

ദുബൈ: ദുബൈയിൽ പടക്കങ്ങൾ വിൽക്കുന്നതിനും ഉപയോ​ഗിക്കുന്നതിനും കർശന നിയന്ത്രണവുമായി ദുബൈ പൊലീസ്. ലൈസൻസില്ലാതെ പടക്കങ്ങൾ വിൽക്കുന്നതും ഉപയോ​ഗിക്കുന്നതും നിയമവിരുദ്ധമാണ്. വിൽക്കുന്നവർക്കും ഉപയോ​ഗിക്കുന്നവർക്കും പങ്കാളികളാകുന്നവർക്കും ഒരു വർഷം വരെ തടവും ഒരു ലക്ഷം ദിർഹം പിഴയും ലഭിക്കും.

എന്നാൽ പൊലീസിന്റെയും മുനിസിപ്പാലിറ്റിയുടെയുെം മുൻകൂർ അനുമതിയോടെ ഔദ്യോ​ഗിക പരിപാടികളിൽ പടക്കങ്ങൾ ഉപയോ​ഗിക്കാം. 2000ദിർഹം രജിസ്ട്രേഷൻ ഫീസ് അടച്ച് ഓൺലൈൻ വഴിയാണ് ലൈസൻസ് എടുക്കേണ്ടത്. ഈ വർഷം ആദ്യം ചെറിയ പെരുന്നാളിന് മുന്നോടിയായി ദുബൈ പൊലീസ് ഉത്തരവ് പറപ്പെടുവിച്ചിരുന്നു. അനുമതി ലഭിച്ചവർ സുരക്ഷാ നടപടികൾ‌ പാലിക്കണമെന്നും ദുബൈ പൊലീസ് മുന്നറിയിപ്പ് നൽകി. ഉത്തരവ് എല്ലാ ആഘോഷങ്ങൾക്കും ബാധകമാണെന്നും മുന്നറിയിപ്പിലുണ്ട്.