ചാറ്റ് ബോട്ടിലൂടെ അനുയോജ്യമായ സ്കൂളുകളെ കണ്ടെത്താം; പദ്ധതിയുമായി ദുബൈ കെ.എച്ച്.ഡി.എ പോർട്ടൽ

ദുബൈ: ദുബൈയിലെ രക്ഷിതാക്കൾക്കായി പുതിയ ചാറ്റ് ബോട്ട് അവതരിപ്പിച്ച് ദുബൈ ഒദ്യോ​ഗിക വിദ്യാഭ്യാസ പോർട്ടൽ നോളജ് ആൻഡ് ഹ്യൂമൻ ഡെവലപ്മെന്റ് അതോറിറ്റി (കെഎച്ച്ഡിഎ). ദുബൈയിൽ നടന്ന ആദ്യ വിദ്യഭ്യാസ പ്രദർശനത്തിലാണ് പ്രഖ്യാപനം.

ഖിർനാസ് വിദ്യഭ്യാസ ഉപദേഷ്ഠാവ് എന്ന സേവനത്തിലൂടെ രക്ഷിതാക്കൾക്ക് വിദ​ഗ്ധരുടെ നിർദേശങ്ങൾ അറിയാനാകും. സ്ഥലം, ഫീസ്, കരിക്കുലം ഓപ്ഷനുകൾ, വ്യക്തിഗത പഠന ആവശ്യങ്ങൾ തുടങ്ങി രക്ഷിതാക്കളുടെ ആവശ്യങ്ങൾ പരി​ഗണിച്ചുള്ള മികച്ച സ്കൂളുകളാണ് ചാറ്റ് ബോട്ട് നിർദേശിക്കുക.യുഎഇ പൗരന്മാരായ രക്ഷിതാക്കൾക്ക് കെഎച്ച്ഡിഎയുടെ പ്രത്യേക വിദ്യാഭ്യാസ വിദ​ഗ്ധരുമായി വ്യക്തി​ഗത കൂടിക്കാഴ്ചകൾ നടത്താനും സംവിധാനമുണ്ട്.

സേവനം കെഎച്ച്ഡിഎ വെബ്സൈറ്റിലും മൊബൈൽ ആപ്പിലും ലഭ്യമാണ്. പൗരന്മാർ എമിറാത്തി ഐഡി ഉപയോ​ഗിച്ചും മറ്റുള്ളവർ യുഎഇ പാസ് മുഖേനയുമാണ് പ്രവേശിക്കേണ്ടത്. മുൻഗണനകൾ വിവരിക്കുന്ന ഹ്രസ്വ ചോദ്യാവലി പൂരിപ്പിച്ച ശേഷം, സ്മാർട്ട് ഫിൽട്ടറുകൾ ഉപയോഗിച്ച് സ്കൂൾ ഓപ്ഷനുകൾ പര്യവേക്ഷണം ചെയ്യാം.