ആഗോള വനിതാ ഉച്ചകോടിക്ക്​ അബൂദബിയിൽ തുടക്കം

യുഎഇ: ആഗോള വനിതാ ഉച്ചകോടിക്ക്​ അബൂദബിയിൽ തുടക്കം. ശൈഖ് ഫാത്വിമ ബിൻത്​ മുബാറക് ഉച്ചകോടി ഉദ്ഘാടനം ചെയ്തു. ഇന്ത്യ ഉൾപ്പെടെ നിരവധി രാജ്യങ്ങളിൽ നിന്നുള്ള പ്രതിനിധികളാണ്​ ഉച്ചകോടിയിൽ പങ്കെടുക്കുന്നത്​.

രാഷ്ട്രപതി ദ്രൗപതി മുര്‍മുവിന്റെ ഓൺലൈൻ അഭിസംബോധനയോടെയാണ് ഉച്ചകോടിക്ക്​ തുടക്കമായത്. യു.എ.ഇയോടും ലോകത്തോടുമുള്ള ശൈഖ ഫാത്വിമ ബിന്‍ത് മുബാറക്കിന്റെ പ്രതിബദ്ധതയുടെ പ്രതിഫലനം കൂടിയാണ്​ ഉച്ചകോടിയെന്ന് രാഷ്​ട്രപതി വ്യക്തമാക്കി.ആഗോളതലത്തില്‍ യു.എ.ഇയെ പ്രതിനിധാനം ചെയ്യുന്ന വനിതകളെ രാഷ്ട്രപതി അഭിനന്ദിച്ചു. യു.എ.ഇയിലെ ഇന്ത്യന്‍ അംബാസഡര്‍ സഞ്ജയ് സുധീര്‍ ഉൾപ്പെടെ വിവിധ രാജ്യങ്ങളിലെ നയതന്ത്ര പ്രതിനിധികൾ സമ്മേളനത്തിൽ സംബന്ധിച്ചു. ഉച്ചകോടി നാളെ സമാപിക്കും. നൂറിലധികം രാജ്യങ്ങളില്‍ നിന്നുള്ള പ്രമുഖരാണ് പ​ങ്കെടുക്കുന്നത്​.