ലോകകപ്പിന് ബൂട്ടുകെട്ടണം; ഇന്ന് യുഎഇ ഒമാനെ നേരിടും

ദുബൈ: ലോകകപ്പ് യോ​ഗ്യത റൗണ്ടിൽ യുഎഇ ഇന്ന് ഒമാനെ നേരിടും. ദോ​ഹ ജാ​സിം ബി​ന്‍ ഹ​മ​ദ് സ്‌​റ്റേ​ഡി​യ​ത്തി​ൽ രാ​ത്രി 09.15നാ​ണ് പോ​രാ​ട്ടം. മത്സരം. ഇന്ന് ഒ​മാ​നെ തോ​ല്‍പി​ക്കു​ക​യും 14ാം തീ​യ​തി ഖ​ത്ത​റി​നെ​തി​രെ സ​മ​നി​ല​യും നേ​ടി​യാ​ല്‍ ര​ണ്ടാം ത​വ​ണ​യും യു.​എ.​ഇ​ക്ക് ലോ​ക​ക​പ്പി​ല്‍ ക​ളി​ക്കാം. സ​ന്നാ​ഹ മ​ത്സ​ര​ത്തി​ല്‍ ബ​ഹ്‌​റൈ​നെ​യും സി​റി​യ​യെ​യും ത​ക​ര്‍ത്തു​വി​ട്ട ആ​വേ​ശ​ത്തി​ലാ​ണ് യുഎഇ ടീം. 4-2-3-1 എന്ന ഫോർമേഷനിലാകും കോ​സ്മി​ന്‍ ഒ​ല​റോ​യ് ടീമിനെ അണിനിരത്തുക.

റാങ്കിങ്ങിൽ ഒമാനേക്കാൾ മുന്നിലാണ് യുഎഇ. ഇ​രു​വ​രും 14 ത​വ​ണ ഏ​റ്റു​മു​ട്ടി​യ​പ്പോ​ള്‍ അ​ഞ്ച് പ്രാ​വ​ശ്യം യു.​എ.​ഇ​യും നാ​ലു തവണ ഒ​മാ​നും വി​ജ​യിച്ചു. അ​ഞ്ചെ​ണ്ണം സ​മ​നി​ല​യി​ലാ​യി​രു​ന്നു. അ​വ​സാ​ന​മാ​യി ഇ​രു​ടീ​മു​ക​ളും അ​റ​ബ് ക​പ്പി​ല്‍ നേ​രി​ട്ട​പ്പോ​ള്‍ 1-1ന് ​തു​ല്യ​ത പാ​ലി​ച്ചു. ര​ണ്ടാം റൗ​ണ്ടി​ല്‍ ഗ്രൂ​പ് ജേ​താ​ക്ക​ളാ​യി വ​ന്ന യു.​എ.​ഇ അ​ടു​ത്ത റൗ​ണ്ടി​ല്‍ ഇ​റാ​ന്‍, ഉ​സ്‌​ബ​കി​സ്താ​ന്‍ അടങ്ങിയ ശ​ക്ത​രുടെ ഗ്രൂ​പ്പി​ല്‍ നി​ന്ന് 15 പോ​യ​ന്റോ​ടെ മൂ​ന്നാം സ്ഥാ​നം നേ​ടുകയും ചെയ്തു. അതേസമയം, ഫ​ല​സ്തീ​നെ ഒ​രു പോ​യ​ന്റ് വ്യ​ത്യാ​സ​ത്തി​ല്‍ പി​ന്ത​ള്ളി​യാ​ണ് ഒ​മാ​ന്‍ നാ​ലാം റൗ​ണ്ടി​ല്‍ ക​ട​ന്നു​കൂ​ടി​യ​ത്.

നിലവിൽ മികച്ച ഫോമിലുള്ള ഫാ​ബി​യോ ലി​മ​യും, ഹാ​രി​ബ് അ​ബ്ദു​ല്ലയും​, യ​ഹ്‌​യ അ​ല്‍ഖ​സ്സാ​നിയും അവരുടെ പ്രകടനം നിലനിർത്തിയാൽ യുഎഇക്ക് കാര്യങ്ങൾ എളുപ്പമാകും. 1990 ഇറ്റാലിയൻ ലോകകപ്പിനുശേഷം ര​ണ്ടാം ലോ​കക​പ്പ് പ്ര​വേ​ശ​ന പ്ര​തീ​ക്ഷ​യി​ലാ​ണ് യുഎഇ.