മഴയിൽ കാർ തെന്നിമാറി മതിലിലിടിച്ചു; സ്വദേശി യുവതിക്ക് ദാരുണാന്ത്യം

ഇന്നലെ പെയ്ത മഴയിൽ കാർ അപകടത്തിൽപെട്ട് യുവതി മരിച്ചു. ഫുജൈറയിലെ അൽഫസീലാണ് അപകടം. മഴയിൽ കാർ തെന്നിമാറി അയൽപക്കത്തെ വീടിന്റെ മതിലിലും ഈന്തപ്പനയിലും ഇടിക്കുകയായിരുന്നു. 27 കാരിയായ എമിറാത്തി യുവതിയാണ് സംഭവസ്ഥലത്ത് തന്നെ മരിച്ചത്.

ഇന്നലെ ഉച്ചകഴിഞ്ഞ് 3 മണിയോടെയാണ് ഫുജൈറയിൽ മഴയ്ക്കിടെ അപകടമുണ്ടായത്. ബീച്ച് റൗണ്ട് എബൗട്ടിന്റെ ദിശയിൽ നിന്ന് അൽദല്ല റൗണ്ട് എബൗട്ടിലേക്ക് വരുന്ന ലെയ്നിലെ അൽഫസീൽ സ്ട്രീറ്റിലൂടെ കാർ ഓടിക്കുകയായിരുന്നു യുവതി.