വൃക്കരോഗം നിസാരമല്ല; അവഗണിക്കാന് പാടില്ലാത്ത പ്രാരംഭ ലക്ഷണങ്ങള്
|വൃക്കകളുടെ ആരോഗ്യം പല വിധത്തിലാണ് നമ്മുടെ ദൈനംദിന ജീവിതത്തെ ബാധിക്കുന്നത്
വൃക്കകൾ ശരീരത്തിൽ വഹിക്കുന്ന പങ്ക് നിസാരമല്ല. വൃക്കകളുടെ ആരോഗ്യം പല വിധത്തിലാണ് നമ്മുടെ ദൈനംദിന ജീവിതത്തെ ബാധിക്കുന്നത്. അതുകൊണ്ട് തന്നെ നമ്മുടെ തന്നെ ചില ജീവിത ശൈലി മാറ്റങ്ങൾ, ഭക്ഷണ രീതികൾ എല്ലാം തന്നെ പലപ്പോഴും വൃക്കകളുടെ പ്രവർത്തനക്ഷമത കുറയാൻ ഇടയാക്കുന്നുണ്ട്. പ്രവർത്തനക്ഷമത കുറഞ്ഞ വൃക്കകളെങ്കിൽ ഇത് പലപ്പോഴും മാലിന്യങ്ങൾ നീക്കം ചെയ്യുന്നതിന് സാധിക്കാത്ത അവസ്ഥയിലേക്ക് എത്തിക്കുന്നു. ഇത് വൃക്ക തകരാറ് എന്ന അവസ്ഥയിലേക്ക് നമ്മെ എത്തിക്കുന്നു.
വൃക്ക തകരാറിന്റെ ചില ലക്ഷണങ്ങള് എന്തൊക്കെയാണെന്ന് നോക്കാം:
കൈ-കാലുകളിലെ നീര്
വൃക്കയുടെ പ്രവര്ത്തനം മന്ദഗതിയിലാകുന്നതിലൂടെ ചിലപ്പോൾ കാലിൽ നീര്, കൈകളിലും കണ്ണിന് താഴെയും മുഖത്തുമൊക്കെ നീര് വരാനും സാധ്യതയുണ്ട്
മൂത്രമൊഴിക്കുന്നതിലെ മാറ്റങ്ങൾ
രാത്രിയിൽ ഇടയ്ക്കിടെ മൂത്രമൊഴിക്കുക, മൂത്രത്തിന്റെ അളവ് കുറയുക, മൂത്രത്തിന് കടുത്ത നിറം തുടങ്ങിയവയെല്ലാം വൃക്ക തകരാറിന്റെ സൂചനകളാകാം.
വരണ്ട ചര്മ്മം, ചര്മ്മം ചൊറിയുക
വൃക്കകള് തകരാറിലാകുന്നതോടെ ശരീരത്തിലെ മാലിന്യങ്ങളും ലവണങ്ങളും രക്തത്തില് അടിയുന്നു. ഇതുകാരണം വരണ്ട ചര്മ്മം, ചര്മ്മം ചൊറിയുക എന്നിവ ഉണ്ടാകാം.
ക്ഷീണവും തളര്ച്ചയും
ക്ഷീണവും തളര്ച്ചയും പല കാരണങ്ങള് കൊണ്ടും ഉണ്ടാകാം. എന്നാല് വൃക്കയുമായി ബന്ധപ്പെട്ട പ്രശ്നങ്ങള്ക്കും ക്ഷീണം, തളര്ച്ച എന്നിവ ഉണ്ടാകാം.
ശ്വാസതടസം, പുറംവേദന
ചില സന്ദർഭങ്ങളിൽ, ശ്വാസതടസ്സം വൃക്ക തകരാറുമായി ബന്ധപ്പെട്ടിരിക്കാം. പുറത്തും അടിവയറിന് വശങ്ങളിലുമുള്ള വേദനയും ചിലപ്പോള് വൃക്ക തകരാറിലായതിന്റെ ലക്ഷണമാകാം.
ശരീരഭാരം കൂടുക, ഛര്ദ്ദി
പെട്ടെന്ന് ശരീരഭാരം കൂടുക, അതുപോലെ ഛര്ദ്ദി തുടങ്ങിയവയും വൃക്ക തകരാറിലായതിന്റെ സൂചനയാകാം.
വൃക്ക തകരാറിനുള്ള ചികിത്സ പലപ്പോഴും അൽപം കൂടുതൽ ശ്രദ്ധയോടെ ചെയ്യേണ്ടതാണ്. മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.