വാക്കുതർക്കം; ഡൽഹിയിൽ യുവാവിനെ വെടിവെച്ചുകൊന്നു

ന്യൂഡൽഹി: ഡൽഹിയിൽ യുവാവിനെ വെടിവെച്ചുകൊന്നു. ഇ-റിക്ഷ തൊഴിലാളിയായ സൂഫിയാൻ ആണ് കൊല്ലപ്പെട്ടത്. വാക്കുതർക്കത്തെ തുടർന്നാണ് കൊലപാതകമെന്നാണ് പൊലീസ് നിഗമനം.

ഡൽ​ഹിയിൽ മൂന്ന് ​ദിവസത്തിനിടെ രണ്ടാമത്തെ വെടിവെപ്പാണിത്. ​ഗാന്ധിന​ഗറിലാണ് സംഭവം. പ്രതികളെ തിരിച്ചറിഞ്ഞതായും ഇവർക്ക് വേണ്ടിയുള്ള അന്വേഷണം ആരംഭിച്ചതായും പൊലീസ് അറിയിച്ചു. പണം നൽകുന്നതുമായി ബന്ധപ്പെട്ട തർക്കമാണ് കൊലപാതകത്തിൽ കലാശിച്ചതെന്നാണ് നി​ഗമനം.