മണിപ്പൂരിൽ വീണ്ടും കൊലപാതകം; വെടിയേറ്റ സ്ത്രീയുടെ മുഖം വികൃതമാക്കിയ നിലയിൽ

മണിപ്പൂർ: ഇംഫാലിൽ വീണ്ടും കൊലപാതകം. നാഗ സ്ത്രീയായ മാരിം ലൂസിയാണ് കൊല്ലപ്പെട്ടത്. വെടിയേറ്റ സ്ത്രീയുടെ മുഖം വികൃതമാക്കി. ഇംഫാൽ ഈസ്റ്റ് ജില്ലയിലെ സാവോംബംഗിലാണ് കൊലപാതകം. മാനസിക വി​ഭ്രാന്തിയുളള സ്ത്രിയെ ആണ് കൊലപ്പെടുത്തിയത്. രണ്ടാം തവണയാണ് ഇത്തരത്തിലുളള സംഭവം ഇംഫാലിൽ നടക്കുന്നത്. പ്രതികൾക്കായി പോലീസ് വീടുകളിൽ പരിശോധന നടത്തിയെങ്കിലും കണ്ടെത്താനായില്ല.

സ്ത്രികളെ പുറത്തു വെച്ച് കണ്ടാൽ വെടിവെച്ചു കൊല്ലുന്ന സമീപനമാണ് അക്രമികളുടെ ഭാ​ഗത്തു നിന്ന് ഉണ്ടാവുന്നത്. പോലീസ് ഉദ്യോ​ഗസ്ഥരെ തട്ടി കൊണ്ട് പോവാനുളള ശ്രമങ്ങളും വിവിധ ഇടങ്ങളിൽ നടക്കുന്നുണ്ട്. ജനങ്ങൾ വിദ്വേഷ പ്രസംഗങ്ങൾ നടത്തരുതെന്ന് മണിപ്പൂർ സർക്കാർ അറിയിച്ചു. മാധ്യമത്തിലൂടെയും മറ്റും സമുദായങ്ങളെ ലക്ഷ്യംവെക്കുന്നത് അവസാനിപ്പിക്കണം. വ്യാജവാർത്തകൾ പങ്കുവെക്കരുതെന്നും സർക്കാർ. വിദ്വേഷ പ്രസംഗം സംഘർഷത്തിന് വഴിവെക്കുന്നതിനെ തുടർന്നാണ് നിർദേശം.