ഒമിക്രോൺ രോഗമുക്തനായ ഡോക്ടർക്ക് വീണ്ടും കൊവിഡ്

ബംഗളൂരുവിൽ ഒമിക്രോണിൽ നിന്ന് രോഗമുക്തി നേടിയ ഡോക്ടർക്ക് വീണ്ടും കൊവിഡ് പോസറ്റീവായി. രാജ്യത്ത് ആദ്യമായി ഒമിക്രോൺ കണ്ടെത്തിയ രണ്ടുവ്യക്തികളിൽ ഒരാൾ ഈ ഡോക്ടറായിരുന്നു. മറ്റൊരാൾ ദക്ഷിണാഫ്രിക്കൻ പൗരനായിരുന്നു. ഇയാൾ ക്വാറന്റൈൻ കഴിഞ്ഞതിന് ശേഷം ദുബൈയിലേക്ക് മറങ്ങി. ഒമൈക്രോൺ വകഭേദം ബാധിച്ച ഡോക്ടർക്ക് വീണ്ടും കോവിഡ് -19 പോസിറ്റീവ് സ്ഥിരീകരിച്ച വാർത്ത ശരിയായാണെന്ന് ബ്രുഹത് ബംഗളൂരു മഹാനഗര പാലികെ ഉദ്യോഗസ്ഥൻ പിടിഐയോട് പറഞ്ഞു.

ഡോക്ടർക്ക് രോഗലക്ഷണമൊന്നുമില്ലെന്നും അദ്ദേഹം ഐസലേഷനിൽ കഴിയുകയാണെന്നും ഉദ്യോഗസ്ഥർ അറിയിച്ചു. അതേസമയം, ക്വാറന്റൈൻ മാനദണ്ഡങ്ങൾ ലംഘിച്ച് അധികൃതരെ അറിയിക്കാതെ ദക്ഷിണാഫ്രിക്കയിൽ നിന്നെത്തിയ ഗുജറാത്ത് സ്വദേശിക്കെതിരെ പൊലീസ് കേസെടുത്തു.