ഡി.എം.കെയുടെ ഡൽഹി ഓഫീസ് ഉദ്ഘാടനം ഇന്ന്; പ്രതിപക്ഷ നേതാക്കള്‍ പങ്കെടുക്കും

അണ്ണാ കലൈഞ്ജര്‍ അറിവാലയം എന്നാണ് ഡൽഹി ഡി.ഡി.യു മാർഗിലെ ഡിഎംകെയുടെ ഓഫീസിന്‍റെ പേര്. ചെന്നൈ ആസ്ഥാന മന്ദിരത്തിന്‍റെ പേര് അണ്ണാ അറിവാലയം എന്നാണ്. അതിനൊപ്പം കരുണാനിധിയുടെ പേരുകൂടി ചേര്‍ത്താണ് അണ്ണാ കലൈഞ്ജര്‍ അറിവാലയം എന്ന് പേരിട്ടിരിക്കുന്നത്. പാർട്ടി രൂപീകരിച്ച രണ്ട് പ്രധാന നേതാക്കളുടെ പേരിൽ ഡൽഹിയിൽ ഓഫീസ് പ്രവർത്തനം ആരംഭിക്കുമ്പോൾ ദേശീയ രാഷ്ട്രീയത്തിൽ കൂടുതൽ മുന്നേറ്റം ലക്ഷ്യം വെക്കുകയാണ് ഡി.എം.കെ.

2013ൽ കേന്ദ്രസർക്കാർ അനുവദിച്ച സ്ഥലത്താണ് ഓഫീസ് നിർമിച്ചിരിക്കുന്നത്. തമിഴ് സംസ്കാരത്തിന് അനുസരിച്ചാണ് നിർമാണപ്രവർത്തനങ്ങൾ. പ്രാദേശിക പാര്‍ട്ടി ആയിരുന്നിട്ട് കൂടി ലോക് സഭയിലെ അംഗബലത്തില്‍ മൂന്നാമതാണ് ഡി.എം.കെ,, പ്രവര്‍ത്തകരുടെ ഏറെ നാളത്തെ ആഗ്രഹമായിരുന്നു രാജ്യതലസ്ഥാനത്ത് പാര്‍ട്ടിക്ക് ഒരു ഓഫീസ് വേണമെന്നത്. ആ ആഗ്രഹമാണ് സാധ്യമായിരിക്കുന്നത്. വൈകുന്നേരം അഞ്ചു മണിക്കാണ് ഉദ്ഘാടന ചടങ്ങ്.