നീറ്റ് ക്രമക്കേട്; വാ​ദം ഇന്ന് പൂർത്തിയാക്കണം- സുപ്രിം കോടതി

ന്യൂഡൽഹി: നീറ്റ് ചോ​ദ്യപേപ്പർ ചോർച്ചയിൽ വാ​ദം ഇന്ന് പൂർത്തിയാക്കണമെന്ന് സുപ്രിം കോടതി ചീഫ് ജസ്റ്റിസ്. പുനഃപരീക്ഷയ്ക്ക് ഉത്തരവിടുകയാണെങ്കിൽ വിദ്യാർഥികൾക്ക് തയ്യാറെടുപ്പ് തുടങ്ങേണ്ടതുണ്ട്. വിദ്യാർഥികളെ അനിശ്ചിതത്വത്തിൽ നിർത്താനാകില്ലെന്നും ചീഫ് ജസ്റ്റിസ് ഡി.വൈ ചന്ദ്രചൂഡ് പറഞ്ഞു.

ചോദ്യപേപ്പർ ചോർച്ച വ്യാപകമായ രീതിയിൽ ഉണ്ടായിട്ടില്ലെന്നും, ചില പ്രദേശങ്ങളിൽ മാത്രമാണുണ്ടായതെന്നുമാണ് കേന്ദ്രസർക്കാർ ചൂണ്ടിക്കാട്ടിയത്.