ബാധയൊഴിപ്പിക്കാൻ സ്ത്രീകളെ മർദിച്ചവശയാക്കി പുഴയിൽ മുക്കി; 30 പേർ അറസ്റ്റിൽ
|പൊലീസ് സംഭവസ്ഥലത്തെത്തി മന്ത്രമാദം നടത്തുന്നവരെ കൈയ്യോടെ പിടികൂടുകയായിരുന്നു
ഉത്തർപ്രദേശിലെ പ്രയാഗ് രാജിൽ ബാധയൊഴിപ്പിക്കാനെന്ന പേരിൽ സ്ത്രീകളെ മർദിച്ചവശയാക്കി പുഴയിൽ മുക്കിയ സംഭവത്തിൽ 30 പേർ അറസ്റ്റിൽ. സംഘം നദിയുടെ തീരത്തുനിന്നാണ് ഇവരെ പൊലീസ് അറസ്റ്റ് ചെയ്തത്. പ്രദേശവാസികൾ അറിയിച്ചത് അനുസരിച്ച് പൊലീസ് സംഭവസ്ഥലത്തെത്തി മന്ത്രമാദം നടത്തുന്നവരെ കൈയ്യോടെ പിടികൂടുകയായിരുന്നു.
'ബാധയൊഴിപ്പിക്കാനെന്ന പേരിൽ സ്ത്രീകളുടെ കൈകൾ കയറുകൊണ്ട് കെട്ടി മർദിച്ചവശയാക്കുക്കി വാദ്യോപകരണങ്ങൾ മുഴക്കി പുഴയിൽ മുക്കുകയാണുണ്ടായത്. സിന്ദൂരവും ചെറുനാരങ്ങയും അടക്കമുള്ളവയും അവർ ഉപയോഗിച്ചിരുന്നു'. പൊലീസ് പറഞ്ഞു.
Prayagraj | 30 arrested for performing exorcism at Sangam
— ANI UP (@ANINewsUP) June 28, 2021
We got the information that some people from Mahoba were performing exorcism on the banks of Sangam. We have arrested 30 people. Such activities won't be tolerated: Dinesh Kumar Singh, SP (City) pic.twitter.com/e6OU5yul0K
പ്രതികൾക്കെതിരെ സി.ആർ.പി.സി 151/107/116 പ്രകാരം കേസ് എടുത്തിട്ടുണ്ട്. ഇത്തരം പ്രവർത്തനങ്ങളെ പ്രോത്സാഹിപ്പിക്കുകയില്ലെന്നും നടപടിയെടുക്കുമെന്നും പൊലീസ് ഓഫിസർ ദിനേശ് കുമാർ സിങ് പറഞ്ഞു.