റിപ്പബ്ലിക്ക് ദിനത്തോടനുബന്ധിച്ചുള്ള ചായ സൽക്കാരത്തിൽ ടിവികെ അധ്യക്ഷൻ വിജയിയെ ക്ഷണിച്ച് തമിഴ്നാട് ഗവർണർ

ചെന്നൈ∙ റിപ്പബ്ലിക് ദിനത്തോടനുബന്ധിച്ച് തമിഴ്നാട് ഗവർണർ നടത്തുന്ന ചായ സൽക്കാരത്തിലേക്ക് നടനും തമിഴക വെട്രി കഴകം അധ്യക്ഷനുമായ വിജയ്ക്ക് ക്ഷണം. മുഖ്യമന്ത്രി, മന്ത്രിമാർ, രാഷ്ട്രീയ പാർട്ടി നേതാക്കൾ, പാർലമെന്റ് – നിയമസഭാ സാമാജികർ, ഹൈക്കോടതി ജഡ്ജിമാർ, മുതിർന്ന ഐഎഎസ് – ഐപിഎസ് ഉദ്യോഗസ്ഥർ, സർവകലാശാലാ വൈസ് ചാൻസലർമാർ, വിവിധ മേഖലകളില്‍ നിന്നുള്ള പ്രമുഖർ എന്നിവരും ചടങ്ങിൽ പങ്കെടുക്കും.

അണ്ണാ സർവകലാശാലയിലെ പെൺകുട്ടി ആക്രമിക്കപ്പെട്ട സംഭവത്തിൽ കഴിഞ്ഞ മാസം 30ന് ഗവർണർ ആർ.എൻ രവിയെ വിജയ് കണ്ടിരുന്നു. സ്ത്രീ സുരക്ഷയ്ക്ക് പ്രാമുഖ്യം കൊടുക്കണമെന്നും വിജയ് ആവശ്യപ്പെട്ടിരുന്നു. ഇതേ വിഷയത്തിൽ ഗവർണർക്ക് നിവേദനവും നൽകിയിരുന്നു.

2026 ൽ നടക്കാൻ പോകുന്ന തമിഴ്നാട് നിയമസഭ തെരഞ്ഞെടുപ്പായിരിക്കും തമിഴ വെട്രി കഴകത്തിന്റെ കന്നി പോരാട്ടം