രാഹുൽ ഗാന്ധിയുടെ ട്വിറ്റർ അക്കൗണ്ട് മരവിപ്പിച്ചു

രാഹുൽ ഗാന്ധിയുടെ ട്വിറ്റർ അക്കൗണ്ട് താൽക്കാലികമായി മരവിപ്പിച്ചു. ഡൽഹിയിൽ പീഡനത്തിനിരയായ ദലിത് പെൺകുട്ടിയുടെ അമ്മയുടെ ഫോട്ടോ ട്വീറ്റ് ചെയ്തതിനാണ് നടപടിയെന്നാണ് കരുതപ്പെടുന്നത്. ഇക്കാര്യം ഔദ്യോഗിക ട്വിറ്റർ അക്കൗണ്ട് വഴി കോൺഗ്രസ് സ്ഥിരീകരിച്ചിട്ടുണ്ട്.

ചൈൽഡ്‌ലൈൻ പ്രൊട്ടക്ഷൻ കൗൺസിൽ നൽകിയ പരാതിയെ തുടർന്നാണ് നടപടിയെന്നാണ് വിവരം. അക്കൗണ്ട് മരവിപ്പിച്ചത് തിരിച്ചുപിടിക്കാനുള്ള നടപടികൾ ആരംഭിച്ചതായി കോൺഗ്രസ് ട്വിറ്ററിലൂടെ അറിയിച്ചിട്ടുണ്ട്. ഇതര സമൂഹമാധ്യമ പ്ലാറ്റ്‌ഫോമുകൾ വഴി രാഹുൽ ഗാന്ധി ജനങ്ങളുമായി സമ്പർക്കം തുടരുമെന്നും ജനങ്ങൾക്കുവേണ്ടി ശബ്ദിക്കുമെന്നും ട്വീറ്റിൽ പറയുന്നു.

Shri @RahulGandhi's Twitter account has been temporarily suspended & due process is being followed for its restoration.

Until then, he will stay connected with you all through his other SM platforms & continue to raise his voice for our people & fight for their cause. Jai Hind!

— Congress (@INCIndia) August 7, 2021

ഡൽഹിയിൽ ലൈംഗിക പീഡനത്തിനിരയായി മരിച്ച ഒൻപതുകാരിയുടെ കുടുംബത്തെ ഇന്നലെ രാഹുൽ സന്ദർശിച്ചിരുന്നു. ഇതിന്റെ ചിത്രം ട്വിറ്ററിൽ പങ്കുവയ്ക്കുകയും ചെയ്തിരുന്നു. ഈ ചിത്രം പിന്നീട് ട്വിറ്റർ നീക്കം ചെയ്തു. ഇതിനു പിന്നാലെയാണ് അക്കൗണ്ടും മരവിപ്പിച്ചത്. ഇതിനു പിന്നിൽ മറ്റു കാരണങ്ങളുണ്ടോ എന്ന കാര്യം വ്യക്തമല്ല.