ഉദയനിധി സ്റ്റാലിൻ
സനാതനത്തെ നശിപ്പിച്ചാൽ തൊട്ടുകൂടായ്മയും ഇല്ലാതാകുമെന്ന് ഉദയനിധി സ്റ്റാലിൻ
|തമിഴ്നാട്ടില് തൊട്ടുകൂടായ്മ നിലനില്ക്കുന്നുണ്ടെന്നും പലരും ഇതിനെക്കുറിച്ച് തന്നോട് പരാതി പറഞ്ഞിട്ടുണ്ടെന്നും ഗവര്ണര് ആര്.എന് രവി കഴിഞ്ഞ ദിവസം പറഞ്ഞിരുന്നു
ചെന്നൈ: സനാതന ധർമ്മത്തിനെക്കുറിച്ചുള്ള തന്റെ വിവാദ പരാമര്ശങ്ങള്ക്കിടെ വീണ്ടും അതിനെ ന്യായീകരിച്ച് ഡിഎംകെ നേതാവും തമിഴ്നാട് മന്ത്രിയുമായ ഉദയനിധി സ്റ്റാലിന്. സനാതനത്തെ നശിപ്പിച്ചാൽ തൊട്ടുകൂടായ്മയും ഇല്ലാതാകുമെന്ന് അദ്ദേഹം പറഞ്ഞു. തമിഴ്നാട്ടില് തൊട്ടുകൂടായ്മ നിലനില്ക്കുന്നുണ്ടെന്നും പലരും ഇതിനെക്കുറിച്ച് തന്നോട് പരാതി പറഞ്ഞിട്ടുണ്ടെന്നും ഗവര്ണര് ആര്.എന് രവി കഴിഞ്ഞ ദിവസം പറഞ്ഞിരുന്നു. ഇതിന് മറുപടി നല്കുകയായിരുന്നു ഉദയനിധി.
കഴിഞ്ഞയാഴ്ച തഞ്ചാവൂരിൽ തമിഴ് സേവാ സംഘം നടത്തിയ സാംസ്കാരിക പരിപാടിയിൽ തമിഴ്നാടിന്റെ വിവിധ ഭാഗങ്ങളിൽ ഇപ്പോഴും നിലനിൽക്കുന്ന ജാതിയുടെ അടിസ്ഥാനത്തിലുള്ള സാമൂഹിക വിവേചനത്തെക്കുറിച്ച് ഗവർണർ രവി വിശദമായി സംസാരിച്ചിരുന്നു.സനാതന ധർമ്മത്തെ വേരോടെ പിഴുതെറിയുന്നത് മാനവികതയും മാനുഷിക സമത്വവും ഉയർത്തിപ്പിടിക്കുന്നുവെന്നും ഉദയനിധി പറഞ്ഞു.
തമിഴ്നാട് പ്രോഗ്രസീവ് റൈറ്റേഴ്സ് ആര്ടിസ്റ്റ് അസോസിയേഷന് സമ്മേളനത്തിലാണ് സനാതന ധർമത്തെ ഡെങ്കിപ്പനി, മലേറിയ തുടങ്ങിയ രോഗങ്ങളുമായി സ്റ്റാലിൻ താരതമ്യം ചെയ്തത്. സനാതന ധർമ്മം സാമൂഹിക നീതിക്കും സമത്വത്തിനും എതിരാണെന്നും ഉദയനിധി പറഞ്ഞിരുന്നു."ചില കാര്യങ്ങൾ എതിർക്കാൻ കഴിയില്ല, അത് ഇല്ലാതാക്കണം. ഡെങ്കി, കൊതുകുകൾ, മലേറിയ, കൊറോണ എന്നിവയെ നമുക്ക് എതിർക്കാൻ കഴിയില്ല. നമ്മൾ ഇത് ഉന്മൂലനം ചെയ്യണം. അങ്ങനെയാണ് സനാതനയെ ഉന്മൂലനം ചെയ്യേണ്ടത്," എന്നാണ് അദ്ദേഹം പറഞ്ഞത്. ഉദയനിധിയുടെ പ്രസ്താവന വലിയ വിവാദങ്ങള്ക്കാണ് വഴിതെളിച്ചത്. ബി.ജെ.പി അടക്കമുള്ളവര് ഇതിനെതിരെ രംഗത്തെത്തുകയും ചെയ്തു.