ബൈഡന്റെ ക്ഷണം സ്വീകരിച്ചു; മോദി കാലാവസ്ഥ ഉച്ചകോടിയിൽ പങ്കെടുക്കും

കാലാവസ്ഥ ഉച്ചകോടിയിലും ഊർജ-കാലാവസ്ഥ മേഖലകളിൽ ഉള്ള മുൻനിര സാമ്പത്തിക ശക്തികളുടെ ഫോറത്തിലും പങ്കെടുക്കാനുള്ള അമേരിക്കൻ പ്രസിഡന്റ ജോ ബൈഡന്റെ ക്ഷണം പ്രധാനമന്ത്രി നരേന്ദ്ര മോദി സ്വീകരിച്ചു. ഏപ്രിൽ 22, 23 തീയതികളിൽ നടക്കുന്ന ഓൺലൈൻ ഉച്ചകോടിയിലാണ്​ മോദി പ​ങ്കെടുക്കുക.

അമേരിക്ക​ മുഖ്യസംഘാടകരായ ആഗോള സംഗമത്തിൽ 40 ലോക നേതാക്കൾക്കാണ്​ ക്ഷണം. കാലാവസ്​ഥാ മാറ്റം അടിയന്തരമായി അവസാനിപ്പിക്കുക വഴി ലഭ്യമാകുന്ന സാമ്പത്തിക നേട്ടങ്ങളാണ്​ ദ്വിദിന ഉച്ചകോടി ചർച്ച ചെയ്യുക.കോവിഡ്​ മഹാമാരി വീണ്ടും വ്യാപിക്കുന്ന സാഹചര്യത്തിലാണ്​ പരിപാടി ഓൺലൈനായത്​.

ഉച്ചകോടി ഭൗമദിനമായ ഏപ്രിൽ 22ന്​ തുടങ്ങും. ആഗോള പ്രതിശീർഷ മൊത്ത ഉൽപാദനത്തിലും കാർബൺ വിഗിരണത്തിലും 80 ശതമാനം പങ്കാളിത്തമുള്ള 17 മുൻനിര രാജ്യങ്ങൾ പ​ങ്കെടുക്കുന്നുവെന്നതാണ്​ ഉച്ചകോടിയുടെ പ്രധാന സവിശേഷത.

മീഡിയവൺ വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക