വൈദ്യുതി ബിൽ ഇനത്തിൽ കെഎസ്ഇബിക്ക് കിട്ടാനുള്ളത് 2441 കോടി: എംഎം മണി

1219.33 കോടിയാണ് കെ എസ് ഇ ബിക്ക് വാട്ടർ അതോറിറ്റി കൊടുത്തു തീർക്കാനുള്ളത്

വൈദ്യുതി ബിൽ ഇനത്തിൽ 2017 ഡിസംബര്‍ 31 വരെ കെ എസ് ഇ ബിക്ക് രണ്ടായിരത്തി നാനൂറ്റി നാല്‍പത്തി ഒന്ന് കോടി രൂപ കിട്ടാനുണ്ടെന്ന് വൈദ്യതി മന്ത്രി എംഎം മണി .

1219.33 കോടിയാണ് കെ എസ് ഇ ബിക്ക് വാട്ടർ അതോറിറ്റി കൊടുത്തു തീർക്കാനുള്ളത്. 109.09 കോടിയാണ് വിവിധ സർക്കാർ വകുപ്പുകളുടെ കുടിശിക. പൊതുമേഖലാ സ്ഥാപനങ്ങളുടെ കുടിശിക 205.58 കോടി. സ്വകാര്യ സ്ഥാപനങ്ങൾ 550.28 കോടി കുടിശിക വരുത്തിയതായും വൈദ്യുതി മന്ത്രി നിയമസഭയിൽ രേഖാമൂലം നൽകിയ മറുപടിയിൽ വ്യക്തമാക്കുന്നു