മംഗലാപുരം - ദോഹ എയര്‍ഇന്ത്യ എക്സ്‍പ്രസ് വിമാനം റദ്ദാക്കി

ഇന്ന് രാവിലെ 9 മണിക്ക് ദോഹയില്‍ നിന്ന് മംഗലാപുരത്തേക്ക് പോകേണ്ടിയിരുന്ന എയര്‍ ഇന്ത്യ എക്സ്‍പ്രസ് വിമാനം മുന്നറിയിപ്പില്ലാതെ റദ്ദാക്കി.

ഇന്ന് രാവിലെ 9 മണിക്ക് ദോഹയില്‍ നിന്ന് മംഗലാപുരത്തേക്ക് പോകേണ്ടിയിരുന്ന എയര്‍ ഇന്ത്യ എക്സ്‍പ്രസ് വിമാനം മുന്നറിയിപ്പില്ലാതെ റദ്ദാക്കി. എമിഗ്രേഷന്‍ കഴിഞ്ഞ് ബോര്‍ഡിങ് പാസെടുത്ത യാത്രക്കാര്‍ക്ക് അവസാനനിമിഷമാണ് വിമാനം വൈകുമെന്ന വിവരം ലഭിച്ചത്. യാത്രക്കാരില്‍ നിന്ന് ബോര്‍ഡിങ് പാസ് തിരിച്ചുവാങ്ങി. ആദ്യം ഉച്ചക്ക് 12 മണിക്ക് പോകാമെന്ന് അറിയിച്ചെങ്കിലും പിന്നീട് 2 മണിയോടെ മാത്രമേ പോകാനാവൂ എന്ന അറിയിപ്പാണ് ലഭിച്ചതെന്ന് യാത്രക്കാര്‍ പറഞ്ഞു. കാരണമന്വേഷിച്ച് എയര്‍ ഇന്ത്യ ഓഫീസിലേക്ക് വിളിച്ചപ്പോള്‍ സാങ്കേതിക തകരാറാണെന്നാണ് വിശദീകരണം ലഭിച്ചത്. പിന്നീട് ഓഫീസില്‍ ഫോണെടുക്കുന്നില്ലെന്നും യാത്രക്കാര്‍ പരാതിപ്പെടുന്നു.