രമേശ് ചെന്നിത്തല പ്രധാനമന്ത്രിയാകുമോ?

രമേശ് ചെന്നിത്തലയെ ചോദ്യങ്ങള്‍ ചോദിച്ച് വെള്ളം കുടിപ്പിച്ച് കുട്ടികള്‍

തിരുവനന്തപുരത്ത് ഇന്നലെ കുറച്ച് കുട്ടികളുടെ ഇടയില്‍ പെട്ടുപോയ പ്രതിപക്ഷ നേതാവ് രമേശ് ചെന്നിത്തല ശരിക്കും വെള്ളം കുടിച്ചു. ശിക്ഷുക്ഷേമ സമിതിയുടെ ക്യാമ്പില്‍ പങ്കെടുക്കാന്‍ വന്ന ചെന്നിത്തലയെ ചോദ്യങ്ങള്‍ കൊണ്ടാണ് കുട്ടികള്‍ വരവേറ്റത്.

ചടങ്ങില്‍ ചെന്നിത്തല നേരം വൈകിയെത്തിയതിനെ കുട്ടികള്‍ ചോദ്യം ചെയ്തു. അസംബ്ലിയുള്ളതുകൊണ്ടാണ് വൈകിയതെന്നായിരുന്നു ചെന്നിത്തല നല്‍കിയ വിശദീകരണം. മറ്റൊരു മിടുക്കിക്ക് അറിയേണ്ടത് മന്ത്രിജോലി കിട്ടിയത് എങ്ങനെയെന്നായിരുന്നു. രാഷ്ട്രീയക്കാര്‍ എന്തുകൊണ്ടാണ് വെള്ളയുംവെള്ളയും ഇടുന്നത് എന്നായിരുന്നു അടുത്ത ചോദ്യം. പ്രധാനമന്ത്രിയാകുമോ, കുട്ടിക്കാലത്തെ ആഗ്രഹം എന്തായിരുന്നു, ഇഷ്ടപ്പെട്ട സിനിമാ നടന്‍ ആരാണ്, പാര്‍ട്ടിയാണോ ഗ്രൂപ്പാണോ വലുത്, ഡിജിപി സെന്‍കുമാറിനെ തിരിച്ച് നിയമിക്കുമോ എന്ന് തുടങ്ങി കുട്ടികളുടെ ചോദ്യങ്ങള്‍ക്കെല്ലാം ആസ്വദിച്ച് രസകരമായാണ് രമേശ് ചെന്നിത്തല മറുപടി നല്‍കിയത്.