< Back
Kerala
Kerala
ശക്തമായ മഴ; സംസ്ഥാനത്ത് കനത്ത ജാഗ്രതാ നിർദേശം
|10 July 2018 10:39 AM IST
ഈ മാസം 13 വരെ ശക്തമായ മഴക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പും മുന്നറിയിപ്പ് നല്കി. എറണാകുളം, പാലക്കാട്, വയനാട് ജില്ലകളില് വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചിട്ടുണ്ട്.
സംസ്ഥാനത്ത് മഴ ശക്തമായ സാഹചര്യത്തില് കനത്ത ജാഗ്രതാ നിർദേശം. വെള്ളപ്പൊക്കം, ഉരുള്പൊട്ടല്, മണ്ണിടിച്ചില് എന്നിവക്ക് സാധ്യതയുള്ളതിനാല് മുന്കരുതലെടുക്കണമെന്ന് അടിയന്തരഘട്ട കാര്യനിർവഹണ കേന്ദ്രം കലക്ടര്മാര്ക്ക് നിര്ദേശം നല്കി. ഈ മാസം 13 വരെ ശക്തമായ മഴക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പും മുന്നറിയിപ്പ് നല്കി. എറണാകുളം, പാലക്കാട്, വയനാട് ജില്ലകളില് വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചിട്ടുണ്ട്.
കേരള ലക്ഷദ്വീപ് തീരങ്ങളില് വടക്ക് പടിഞ്ഞാറ് ദിശയില് നിന്ന് മണിക്കൂറില് 35 മുതല് 60 വരെ കിലോമീറ്റര് വേഗത്തില് കാറ്റടിക്കാന് സാധ്യതയുണ്ട്. മത്സ്യത്തൊഴിലാളികള് ലക്ഷദ്വീപിന്റെ പടിഞ്ഞാറ് ഭാഗത്തും അറബിക്കടലിന്റെ വടക്കുഭാഗത്തും മത്സ്യബന്ധനത്തിന് പോകരുതെന്നും അധികൃതര് മുന്നറിയിപ്പ് നല്കി.