പി.കെ ശശിക്കെതിരായ നടപടി വൈകും

ഷൊര്‍ണ്ണൂര്‍ എം.എല്‍.എ പി.കെ ശശിക്കെതിരായ പാര്‍ട്ടി നടപടി വൈകുന്നു. വനിതാനേതാവ് ഉന്നയിച്ച പരാതി അന്വേഷിക്കുന്ന കമ്മീഷന്‍റെ റിപ്പോര്‍ട്ട് ഇന്നത്തെ സെക്രട്ടറിയേറ്റ് യോഗത്തിന്‍റെ പരിഗണനക്കും വന്നില്ല. റിപ്പോര്‍ട്ട് പൂര്‍ത്തിയാകാത്തതിനാലാണ് യോഗത്തില്‍ ഈ വിഷയം വരാതിരുന്നതെന്നാണ് നേതാക്കള്‍ നല്‍കുന്ന വിശദീകരണം. നാളെ ചേരുന്ന സംസ്ഥാനകമ്മിറ്റിയുടെ പരിഗണനക്ക് റിപ്പോര്‍ട്ട് വരണമെങ്കില്‍ രാവിലെ സെക്രട്ടറിയേറ്റ് യോഗം ചേര്‍ന്ന് വിഷയം ചര്‍ച്ച ചെയ്യണം.